महर्षि याज्ञवल्क्यका दुई श्रीमती थिए । एक दिन उनले दुवै श्रीमतीलाई बोलाएर भने— म सन्यास दीक्षा लिन चाहन्छु । त्यसैले तिमीहरु दुवैले सबै सम्पत्ति आपसमा भागबण्डा गरेर लिनु ।
उनकी श्रीमती मैत्रेयीले सोधिन्— मैले भागबण्डामा जुन धन पाउनेछु, के त्यस धनमा ईश्वर पनि पाउँछु ?
धनबाट अमृततत्व पाउन सकिँदैन । यो धनबाट किन्ने वस्तु होइन ।
किन ? महर्षिकी अर्की श्रीमतीले सोधिन् ।
महर्षिले सम्झाए— धनबाट ज्ञान पाउन सक्दैनौ । न भक्ति र न त ईश्वर नै पाउँछौ । धनसम्पत्ति राख्नाले अभिमान बढ्छ ।
मैत्रेयीले महर्षिलाई भनिन्— जसबाट मैले अमृततत्व पाउन सक्दिनँ, त्यो वस्तु मलाई स्वीकार छैन ।
साभारः ‘विश्वका उत्कृष्ट प्रेरक प्रसङ्गहरु’ पुस्तकबाट
