एडमिरल रिचर्ड वर्ड उत्तरी र दक्षिणी ध्रुवहरुको माथिबाट हवाई उडाउन गर्ने पहिला व्यक्ति थिए । उनी अन्र्टार्टिकाको कैयौँ हवाई उडान र रोमान्चक थल अभियानहरुका लागि विख्यात छन् ।
वर्ड सानै छँदा नै एडमिरल पियरीको उत्तरी धु्रवसम्म पुगे साहसिक संघर्षबाट प्रेरित भइसकेका थिए ।
बाह्र वर्षको उमेरमा उनले आफ्नो डायरीमा लेखे, ‘मैले फैसला गरिसकेको छु कि म उत्तरी ध्रुवमा पुग्ने पहिलो व्यक्ति हुनेछु ।’ उनले तत्काल यस रोमान्चक अभियानको लागि स्वयंलाई तयार गर्न सुरु गरे । उनलाई चीसो मौसमले एलर्जी हुन्थ्यो, तर उत्तरी धु्रवको चीसोसँग सामना गर्नका लागि जाडोमा पनि उनले थोरैभन्दा थोरै कपडा लगाउन थाले, ताकि उनको शरीर चिसो सहन सक्ने होस् ।
तर, अझै उनको परीक्षा बाँकी थियो । जब उनी अमेरिकी नौसेनामा नोकरी गरिरहेका थिए, तब उनको खुट्टाको हड्डी भाँचियो र उनलाई २८ वर्षको उमेरमा शारिरीक असक्षमताको कारणले अवकाश दिइयो । धेरैजसो मानिसहरुले यस स्थितिमा हार मानिसकेका हुन्थे । तर वर्डले आफ्नो सपना पूरा गर्नका निमित्त अर्काे उपाय खोजे । उनले सोचे कि यदि उनी उत्तरी ध्रुवसम्म पैदल मार्ग जान सक्दैनन्, भने हवाइजहाजबाट त पुस्न सक्दछन् र अन्ततः एडमिरल रिचर्ड वर्ड उत्तरी र दक्षिणी ध्रुवहरुको माथि हवाई उडाउन गर्ने पहिलो व्यक्ति बने ।
‘वर्डको जीवन एक प्रेरक उदाहरण हो कि विषम परिस्थितिहरु र बाधाहरु हुँदाहुँदै पनि सफलता पाउन सकिन्छ, हाम्रो लक्ष्य स्पष्ट हुनुपर्दछ र हामीमा संघर्ष गर्न सक्ने क्षमता हुनुपर्दछ ।
साभारः ‘सफलता’ पुस्तकबाट
