ऋतुराज भनेर चिनिने बसन्त ऋतुको आगमनसँगै काठमाडौं उपत्यका रंगिचंगि फुलले मनमोहक बनेको छ । बोटविरुवामा पलाएका नयाँ पालुवा, सडकमा फुल्दै गरेका फुलहरुले सबैको मन लोभ्याएको छ । नेपाली वर्ष नै फेरिने यो समयमा फुलले ढकमक्क ढाकिएका सडक किनारामा सुन्दरता थपेको छ । यसले नयाँ उर्जा प्रदान गरेको अनुभव हुन्छ ।
चैत र वैशाख महिनामा पर्ने बसन्त ऋतुमा विरुवाका पुराना पातहरु सबै झरेर नयाँ पलाउने गर्छ । वर्ष फेरिने भएको हुँदा पनि सकारात्मक सुरुवातका रुपमा यो ऋतुलाई लिईन्छ । त्यसमा पनि यो समयमा फुल्ने फुलहरुले गाउँ घर त रमाईलो हुँने नै भयो । काठमाडौं पनि निकै रमाईलो बनेको छ । काठमाडौंका सडक छेउछाउमा भएका रुखका हाँगाहरुमा नयाँ पालुवा लागेको देख्न सकिन्छ । पालुवासँगै फुलेका फुलहरुले उपत्यकाका सडक छेउछाउ, र बगैचा रंगिन देखिको छ ।
विशेषगरि यतिबेला बोटबिरुवाका सबै पात झरेर नयाँ पलाउँदै गरेका छन् । प्रकृतिले काँचुली फेर्ने यो ऋतुमा मनमोहक दृश्यले जोे सुकै पनि आनन्दित भएका छन् । जताततै हरियाली हुने भएको हुँदा पनि यो ऋतुलाई सबैले रमाईलो मान्ने गरेका छन् ।
बसन्त ऋतुको आकर्षण भनेकै प्रकृतिक सुन्दरता हो । यो समयमा न त जाडो हुन्छ, न त गर्मी । जता हे¥यो उतै फुलै फुल, नयाँ पालुवा, सुकेका रुखमा पनि नयाँपन देखिन्छ यो समयमा । त्यसैले त यो ऋतुलाई सबैले मन पराउने गरेका छन् ।
