विश्वेश्वरप्रसाद कोइरालाका केही अमर वाणीहरुः
१. नेपाली काँग्रेस नेपाली जनताको वास्तविक प्रतिनिधि हो । यो निरोगी र स्वच्छ रहेमा हाम्रो देशको एक एक रोगव्याधि क्रमशः आफै हट्दै जानेछन् । यो देश कालान्तरमा विश्वका अरु देश सरह व्यवस्थित र उन्नतिशील हुनेछ ।
२. नैतिकता विनाको राजनीति निरर्थक र अलिनो हुन्छ ।
३. संविधान त एउटा साधन मात्र हो यो नै लक्ष्य होइन ।
४. नेपाली अविकसित अवस्थामा रहेर अन्तर्राष्ट्रिय क्षेत्रबाट देशको प्रतिष्ठाको कदर पाइरहन सक्दैन ।
५. इतिहासले सबैको सन्तुलित लेखाजोखा राख्ने हुँदा हामीले जुनसुकै काममा पनि इतिहासलाई आफ्नो साक्षीको रुपमा राख्ने बानी बसाल्नु पर्दछ ।
६. विरोधमा बस्ने तत्वहरुलाई सजिलो छ । मागको नारा गुञ्जाए पुग्छ । अभावग्रस्त जनतालाई सजिलैसँग उचाल्न पनि सकिन्छ । तर इतिहासको उत्तरदायित्व बहन गर्ने संस्थाले त्यो सजिलो पथ ग्रहण गर्न सक्दैन ।
७. इतिहास एउटा अतितको कथा वा पुराण मात्र होइन, यो भविष्यको निर्देशक पनि हो ।
८. जुनसुकै चुनौतिको सामना गर्न सधैँ तत्पर रहनु नै तारुण्य र युवावस्थाको विशेषता हो ।
साभारः ‘महापुरुषहरुका अमर वाणी’ पुस्तकबाट
