यो हात हेर्नमा जति सुन्दर हुन्छ, त्यति नै जीवनमा असफल हुन्छन् । पलायनवादी व्यक्ति, असफलप्रेमी, बिग्रिगएका राजकुमार आदि यसै वर्गका व्यक्ति हुन्छन् । यस्ता हात हेर्नमा ज्यादै सुन्दर हुन्छ । यो लामो आकर्षक तथा अत्याधिक कोमल हुन्छ ।
पुरुषको हात स्पर्श गर्दा यस्तो लाग्दछ कि मानौँ कुनै सुन्दर स्त्रिको हात हो । नङ लामो र बदामे रङको हुन्छ । हातमा सबैभन्दा सुन्दर किसिमको हात यसै वर्गको हात हुन्छ । यो हात वास्तवमा नै अद्वितीय सुन्दर हुन्छ, तर जीवन त्यति नै कलहपूर्ण हुन्छ । यस्ता व्यक्ति सौन्दर्यप्रेमी, अनगलप्रिय, शौखिन प्रवृत्ति भएको, कलाकार, सङ्गीतकार तथा साहित्यप्रेमी हुन्छन् । यस्ता व्यक्तिले विलासितापूर्ण जीवन जिउने प्रवृत्ति राख्दछन् । यस्ता व्यक्तिलाई पूर्ण रुपले अकर्मण्य व्यक्ति भन्न सकिन्छ । यस्ता व्यक्ति भावना प्रधान हुन्छन् ।
एउटा असफलता प्राप्त भएको खण्डमा दोस्रोको खोजमा निस्कन्छन् । यिनीहरु आर्थिक क्षेत्रमा त असफल नै रहन्छन्, दाम्पत्य जीवनमा पनि असफल रहन्छन् । सधैँ व्यावहारिक जीवनमा पनि असफल नै रहन्छन् । यिनीहरु हेर्नमा सुशील, नम्र, शान्तिप्रिय तथा मृदुभाषि लाग्दछन्, जब कि ज्यादै नै लापरबाही तथा सङ्कुचित विचारधारा भएका हुन्छन् । यिनीहरुमध्ये कतिपयले कलाको माध्यमले धन एवं कीर्ति हासिल गर्नमा सफल हुन्छन् ।
साभारः ‘हस्तरेखा’ पुस्तकबाट
