काठमाडौं । राजनीतिक दलहरुले राष्ट्रपतिको भावी उम्मेदवारबारे मुख खोलेका छैनन् । नेकपा एमालेले दलभित्रबाट उम्मेदवार बनाउने बताइरहँदा नेकपा माओवादी केन्द्र भने सर्वस्वीकार्य व्यक्तिलाई उम्मेदवार बनाउन इच्छुक देखिएको छ ।
गणतन्त्र आएको १६ वर्षमा नेपालले दुईजना राष्ट्रपति पायो । कांग्रेसका रामवरण यादव र एमालेकी विद्यादेवी भण्डारी । यी दुवै राष्ट्रपति आफ्नो कार्यकालमा दलीय निर्णयका अगाडि नतमस्तक भएको आरोप लाग्ने गरेको छ । राष्ट्रपति संस्थामाथि दलको स्वार्थ हाबी भएको कैयन् नजिर देखाउँदै अहिले राजनीतिक दलहरुले नै दलभन्दा बाहिरका व्यक्तिलाई उम्मेदवार बनाउने बताउन थालेका छन् ।
दुवै राष्ट्रपति आफ्नो कार्यकालमा दलीय निर्णयका अगाडि नतमस्तक भएको आरोप लाग्ने गरेको छ । प्रधानमन्त्री पुष्पकमल दाहालले सार्वजनिक कार्यक्रममै स्वतन्त्र व्यक्तिलाई राष्ट्रपति बनाउनु उपयुक्त हुने बताइसकेका छन् । संविधानको संरक्षक भनिने राष्ट्रपतिले निर्णायक अवस्थामा दलको इशारामा निर्णय गरेको घटना दोहोरिन नदिन परिपक्व उम्मेदवार चयन गर्न नागरिक समाजका अगुवाको सुझाव छ ।
तत्कालीन प्रधानसेनापति रुक्माङ्त कटवाललाई त्यसबेलाका प्रधानमन्त्री पुष्पकमल दाहालले बर्खास्त गरेको घटनामा तत्कालीन राष्ट्रपति रामवरण यादव प्रधानमन्त्रीको निर्णयविरुद्ध उभिएका थिए । त्यस्तै, तत्कालीन प्रधानमन्त्री केपी शर्मा ओलीले दुईपटक संसद विघटन गर्दा राष्ट्रपति विद्यादेवी भण्डारीले सो निर्णयमा हस्ताक्षर गरेकी थिइन् । तर, संसदबाट दुई पटक पारित भइसकेको नागरिकता विधेयकलाई भने रोकेर राखेकी थिइन् । दलको रिमोटमा चल्ने व्यक्ति राष्ट्रपति बन्दा फेरि यस्ता घटना दोहोरिन सक्ने कतिपयको आंकलन छ । तर हरेक पेसा, व्यवसायमा भ्रातृ संगठन खोलेका दलहरुले स्वतन्त्र र निष्पक्ष छवि भएका व्यक्ति पाउलान् त रु प्रश्न उठेको छ ।
विद्यालय व्यवस्थापन समितिको चुनावमा समेत दलीय भागबन्डा खोजेर आफ्ना कार्यकर्तालाई जिताउन मरिहत्ते गर्ने राजनीतिक दलहरु राष्ट्रपतिजस्तो महत्त्वपूर्ण पदमा आफ्ना नेताका सट्टा स्वतन्त्र छवि भएका कसैलाई ल्याउन सहमत होलान् त रु यो प्रश्न अझै केही दिन बहसकै विषय बन्ने देखिएको छ ।
