काभा पुरुष भलिबल च्याम्पियनसिपमा नेपालले लगातार दोस्रो हार बेहोरेको छ।
पाकिस्तानको इस्लामाबादमा बिहीबार भएको खेलमा नेपाल श्रीलंकासँग ३–२ को सेटमा पराजित भएको हो।
नेपालले दोस्रो र तेस्रो सेट लगातार जित्दै खेलमा उत्कृष्ट पुनरागमन गरेको थियो। तर, चौथो सेटमा भएको प्रतिस्पर्धात्मक खेलमा पराजित भएपछि खेल पाँचौँ सेटमा पुगेको थियो। निर्णायक सेटमा भने नेपालले ८–८ को बराबरीपछि लगातार अंक गुमाउँदै खेल गुमायो।
नेपालले श्रीलंकासँग २५–१८, २१–२५, १९–२५, २५–२१ र १५–१० को सेटमा हार बेहोरेको हो।
लगातार दुई खेल पाँच सेटसम्म खेलेको नेपालले प्रतियोगिताको तालिकामा दुई अंक जोडेको छ। नेपाल पहिलो खेलमा काजकिस्तानसँग पनि ३–२ को सेटमा पराजित भएको थियो।
नेपालले प्रतियोगिताको तेस्रो खेलमा शुक्रबार आयोजक पाकिस्तानसँग प्रतिस्पर्धा गर्नेछ।
