काठमाडौँ । नेपाली कांग्रेसले चुनाव केन्द्रित प्रतिज्ञापत्र आगामी आइतबार सार्वजनिक गर्ने भएको छ । फागुन २१ गते प्रतिनिधि सभा निर्वाचनलाई ध्यानमा राखेर पार्टीले आइतबार प्रतिज्ञापत्र सार्वजनिक गर्ने जनाएको हो ।
पार्टी सभापति गगनकुमार थापाले पार्टीको घोषणापत्र नभनी यो पाँच वर्ष सरकार चलाउने योजनासहितको प्रतिज्ञा पत्र हुने बताएका छन् । पार्टीले समग्र क्षेत्रलाई सम्बोधन गर्ने गरी प्रतिज्ञा पत्र बनाउने क्रम अन्तिम चरणमा पुगेको प्रवक्ता देवराज चालिसेले जनाएका छन् ।
उक्त प्रतिज्ञा पत्र पार्टी कार्यालय बीपीनगर सानेपामा आइतबार ३ गते दिउँसो २ बजे सार्वजनिक गरिने विज्ञप्ति जारी गरी जनाएको छ ।
यस्तो छ विज्ञप्ति
फागुन १, २०८२
प्रतिनिधि सभा सदस्य निर्वाचन — २०८२
प्रतिज्ञा पत्र सार्वजनिक कार्यक्रम
संवत् २०८२ फागुन २१ गते सम्पन्न हुने प्रतिनिधि सभा सदस्य निर्वाचन — २०८२ का लागि नेपाली कांग्रेसको प्रतिज्ञा पत्र देहायको मिति, समय र स्थानमा सार्वजनिक गरिने कार्यक्रम रहेको व्यहोरा यसै विज्ञप्ति मार्फत् जानकारी गराइन्छ ।
प्रतिज्ञा पत्र सार्वजनिक कार्यक्रम
मिति ः २०८२ फागुन ३ गते
समय ः दिउँसो २ः०० बजे
स्थान ः नेपाली कांग्रेस केन्द्रीय कार्यालय, बी.पी. स्मृति भवन
बी.पी. नगर, ललितपुर ।
देवराज चालिसे
प्रवक्ता
एवं
संयोजक— केन्द्रीय प्रचार प्रसार समिति
