काठमाडौँ। नेपाली कांग्रेसका सभापति एवं पूर्वप्रधानमन्त्री शेरबहादुर देउवाले मौलिक पर्वहरू हाम्रा पहिचानसँगै सामाजिक एकता र सांस्कृतिक समृद्धिका प्रतीक भएको बताएका छन्।
गाईजात्रा पर्वका अवसरमा शुभकामना दिँदै उनले यस्ता पर्वले समाजको आस्था र परम्परागत मूल्यहरूलाई जीवित राख्ने उल्लेख गरे। नेपाल बहुजातीय, बहुभाषिक, बहुसांस्कृतिक र बहुधार्मिक देश भएको उनले बताए।
नेवार समुदायमा वर्षदिनभित्र दिवङ्गत आफन्तको सम्झनामा मनाइने गाईजात्रा धार्मिक, सांस्कृतिक र ऐतिहासिक दृष्टिले महत्वपूर्ण रहेको देउवाले बताए। सबै पर्वलाई आदर र सम्मान गर्ने परम्परा नेपालको विशेषता भएको उनको भनाइ छ।
लोकतान्त्रिक व्यवस्थामा मात्र सबै जाति, भाषा, धर्म र संस्कृतिलाई समान अधिकार र अवसर प्राप्त हुने भन्दै उनले सांस्कृतिक संरक्षण र संवर्द्धनमा यसले योगदान पुर्याउने बताए। पर्वको मौलिकता जोगाउनु सामूहिक दायित्व भएको उनले उल्लेख गरे।
देउवाले गाईजात्राका अवसरमा सम्पूर्णमा सुख, शान्ति र समृद्धिको शुभकामना व्यक्त गरे।
