पोखरा, ९ मंसिर । नेकपा एमाले संगठन विभाग प्रमुख एंव पूर्व गृहमन्त्री खगराज अधिकारीको कास्की क्षेत्र नम्बर १ (क) बाट गण्डकी प्रदेशसभा सदस्यमा विजय हासिल गर्नुभएको छ ।
माओवादी केन्द्रबाट उम्मेदवार बन्नुभएका दीपक कोइरालासँगको फराकिलो मतान्तरले अधिकारी प्रदेशसभा सदस्यमा निर्वाचित हुनुभएको हो । अधिकारीले १५ हजार ६ सय २३ मत मत ल्याउँदा उहाँका प्रतिस्पर्धी कोइरालाले ११ हजार ६ सय २७ मत प्राप्त गर्नुभएको छ ।
प्रतिनिधिसभामा दुई पल्ट निर्वाचित भई स्वास्थ्य तथा गृहमन्त्री भइसक्नु भएका अधिकारी यस पटक गण्डकीको मुख्यमन्त्री बन्ने लक्ष्यसहित प्रदेशमा चुनाव लड्नु भएको हो । अधिकारी एमाले अध्यक्ष ओलीका विश्वास पात्रसमेत मानिदै आउनुभएको छ ।
