पोखरा, २२ मङ्सिर । पोखराको पर्यटकीय क्षेत्र लेकसाइडमा अङ्ग्रेजी नयाँ वर्ष मनाउने तयारी गरिएको छ । रेष्टुरेण्ट एण्ड बार एशोसियसन (रेवान ) पोखराद्धारा प्रत्येक अङ्ग्रेजी नयाँ वर्षमा आयोजना हुँदै आएको सडक महोत्सवको २४ औं संस्करण आउँदो पुस महिनाको १३–१७ गतेसम्म लेकसाइडमा संचालन गरिने भएको हो ।
आन्तरिक तथा वाह्य पर्यटकलाई अङ्ग्रेजी नयाँ वर्षको गन्तव्य स्थलको रुपमा पोखराको लेकसाइडलाई प्रवद्र्धन गर्नकै लागि सडक महोत्सव २४ वर्षदेखि संचालन हुदै आएको जानकारी रेवान पोखराका अध्यक्ष तथा २४ औं पोखरा सडक महोत्सवका संयोजक नरेश भट्टराईले दिनुभयो ।
सडकमै खाउँ, सडकमै रमाउँ भन्ने देश्यका साथ लेकसाइड क्षेत्रको ३ किलो मिटर क्षेत्रमा प्रत्येक वर्ष यस्तो महोत्सव हुँदै आएको छ । महोत्सवमा मुख्य आकर्षण सांस्कृतिक कार्यक्रम, मौलिक भेषभूषा प्रदर्शनीसँगै राष्ट्रिय तथा अन्तराष्ट्रिय खानाको प्रदर्शनी, दोहोरी गित प्रतियोगिता, झँकी प्रदर्शन, फोवाातालमा डुंगा दौड, वेटर रेस, टेनिस प्रतियोगिता, पोखराका प्रमुख पर्यटकीय गन्तव्यसहितको डकुमेन्टी, तथा रात्रीकालीन कन्र्सट प्रर्दशन गरिने जानकारी रेवानद्धारा विहीबार आयोजित पत्रकार सम्मेलनमा दिइएको छ ।
कोरोना महामारीबाट सुस्ताएको पर्यटनलाई विस्तारै लयमान ल्याउन यस्तो महोत्सव गरिएको जानकारी रेवान पोखराका उपाध्यक्ष विश्वराज पौडेलले दिनुभयो । नेपालको आर्थिक विकासमा महत्वपूर्ण मानिएको पर्यटन क्षेत्रले विदेशी मुद्रा आर्जन, रोजगारी सृजना र समग्र आर्थिक विकास र समुन्नतिमा टेवा पु¥याउन सहयोग पुग्ने उद्देश्यले आयोजना हुन लागेको सडक महोत्सवले लेकसाइडको मात्र नभएर समग्र कास्की जिल्लाको पर्यटन प्रवद्र्धनमा सहयोग पुग्ने विश्वास आयोजक संस्थाले लिएको छ ।
