अलेक्जेन्डर ड्युमा रोमान्टिक युगका महान फ्रान्सेली उपन्यासकार एवं नाटककार थिए । उनले ‘द थ्री मस्केटियर्स तथा ‘द काउन्ट अफ माउन्टे क्रिस्टो’ जस्ता अमर ग्रन्थहरु लेखे । उनको स्कुले शिक्षा ज्यादै कम भए पनि पढ्नमा उनको गहिरो रुचि थियो । पछि उनी एउटा कारिन्दाको रुपमा काम गर्न थाले ।
त्यही समयमा ड्युमाले बेलायतको शेक्सपियरियन कम्पनीको एउटा नाटक देखे । यसले उनलाई नाटक लेख्ने प्रेरणा मिल्यो । जब उनले पहिलो नाटक देखे । यसले उनलाई नाटक लेख्ने प्रेरणा मिल्यो । जब उनले पहिलो नाटक पेरिसमा खेलाइयो, त्यो समयमा उनीसँग गरिबीको कारणले नाटकघरमा लगाउने कुरा पनि थिएन । त्यस्तै उनीसँग कलर पनि थिएन र उनले सेतो कार्डबोर्डको टुक्राबाट कलर बनाएर लगाए ।
ड्युमा आफ्नो लेखनमा यति डुब्थे कि कैयौँ पटक त उनी भोजन लिन पनि भुल्थे । त्यो समयमा यदि कोही साथी भेट्न आउँथ्यो भने पनि बायाँ हात उठाएर अभिवादन गर्थे भने दायाँ हातले लेखिरहन्थे । कागज र मसीको मामलामा भने उनी निकै ध्यान दिन्थे । उनी उपन्यास निलो कागजमा लेख्थे, कविता पहेँलो कागजमा र लेख गुलाबी कागजमा लेख्थे । निलो मसिको उपयोग उनी कहिल्यै पनि गर्दैनथे ।
कैयौँ लेखकलाई एउटै समयमा एकभन्दा बढी पुस्तक लेख्न गाह्रो हुन्छ, तर अलेक्जेन्डर ड्युमा एकै समयमा ५ वटा उपन्यास लेख्ने काम गर्थे । यस्तो गर्नु उनको सौख नभएर बाध्यता थियो किनकि उनका ५ उपन्यास एकै समयमा अलगअलग पत्रिकामा धाराबाहिक रुपमा छापिन्थे । लेख्नमा उनको यति धेरै समय बित्थ्यो कि उनलाई आफ्ना लगन र मेहनतको कारणले यी महान लेखकले लगभग १०० नाटक र सैयौँ उपन्यास लेखे र ५० लाख डलर भन्दा बढी धन कमाए ।
साभारः ‘सफलता’ पुस्तकबाट
