पोखरा, १९ कात्तिक । तिहारमा देउसी भैलो खेलेर संकलित रकम मध्ये ५० हजार रुपैयाँ पोखरा–२७ लेखनाथ डाडाँको नाक स्थित श्रीकृष्ण प्रणामी बृन्दावन धाम तथा बाल आश्रमलाई शनिबार सहयोग प्रदान गरिएको छ । स्थानीय परमार्थनगर क्लवले देउसी भैलोबाट संकलित बीस प्रतिशत रकम सामाजिक दाहित्व अन्तरगत आश्रममा आश्रित बालकका लागि सहयोग प्रदान गरेको हो ।
उक्त क्लवका अध्यक्ष मनोज गुरुङले तिहारमा संकलित रकम फजुल खर्च गर्न भन्दा केही प्रतिशत सामाजिक दाहित्व अन्तरगत आर्थिक रुपमा अप्ठेरोमा परेको आश्रमलाई सहयोग गरिएको बताउनुभयो । उक्त कार्यक्रका प्रमुख अथिति पोखरा महानगरपालिका वडा नं २७ का वडाध्यक्ष पूर्णकुमार गुरुङले क्लवको तर्फबाट आश्रमका स्वामी विष्णु बशिष्ट महाराजलाई ५० हजार पाँच रुपैयाँको चेक हस्तान्तरण गर्नुभएको थियो । सहयोग हस्तान्तरण कार्यक्रममा बोल्दै वडाध्यक्ष गुरुङले क्लवको तर्फबाट सामाजिक क्षेत्रमा यस्तो सहयोग प्रदान गर्दा समाजमा समेत राम्रो सन्देश जाने बताउनुभयो ।
सहयोग हन्तान्तरणका विशेष अथिति लेखनाथ उद्योथ वाणिज्य संघका अध्यक्ष छत्रधर आत्रेयले सानो सहयोगले आश्रमलाई केही मात्रामा राहत मिलेको बताउनुभयो । आश्रमका अध्यक्ष एवं स्वामी विष्ण वशिष्ट महाराजले क्लवले गरेको सहयोगप्रति आभार प्रकट गर्नुभयो । आश्रममा ३० जना बालक आश्रित रहेका छन् । उक्त आश्रममा संस्कृतको समेत पढाई हुने गरेको छ । उक्त अवसरमा देउसी भैलो कार्यक्रममा क्लवलाई पाँच हजार रुपैयाँ भन्दा वढी प्रदान गर्ने व्यक्ति तथा क्लवको सदस्यहरुलाई सम्मान गरिएको थियो ।
