काठमाडौँ । महात्मा गान्धीको एउटा दुर्लभ तेल चित्र अर्को महिना लन्डनमा लिलामीको लागि राखिने भएको छ ।
महात्मा गान्धीको यो चित्र सन् १९३१ मा बेलायतमा बनाइएको थियो ।
वर्षौंको दौडान, महात्मा गान्धीका धेरै चित्रहरू, रेखाचित्रहरू र स्केचहरू विश्वभर फैलिएका छन् । लिलामी घर बोनह्याम्सका अनुसार यो चित्र एक मात्र तेल चित्र रहेको र जसको लागि गान्धी वास्तवमा बसेर पोज दिएको बताइएको छ ।
यो चित्र ब्रिटिश कलाकार क्लेयर लेइटनले बनाएका हुन् ।
