वाशिंगटन— अमेरिकाको न्यू जर्सी र ओहायो राज्यले सरकारी स्वामित्वमा रहेका र व्यवस्थित यन्त्रहरूमा लोकप्रिय भिडियो एप टिकटकको प्रयोगमा प्रतिबन्ध लगाएका छन् । न्यु जर्सीका गभर्नर फिल मर्फीले चिनियाँ प्रविधि समूह बाइटडान्सको स्वामित्वमा रहेको छोटो(भिडियो एपलाई राज्यका उपकरणहरूबाट प्रतिबन्ध लगाएको बताएका छन् । मर्फीले राष्ट्रिय सुरक्षालाई ध्यान दिँदै टिकटकमा प्रतिबन्ध लगाउने निर्णय गरेको बताए । यस्तै, ओहायोका गभर्नर माइक डेवाइनले राष्ट्रिय तथा साइबर सुरक्षालाई ध्यानमा राख्दै टिकटक माथि प्रतिबन्ध लगाएको बताए ।
अमेरिकी एफबीआई निर्देशक क्रिस्टोफर रेले नोभेम्बरमा यसले राष्ट्रिय सुरक्षा जोखिम खडा गरेको बताएपछि सरकारी उपकरणहरूबाट टिकटकलाई प्रतिबन्ध लगाउने कामको सुरुवात भएको थियो । एफबीआईले चिनियाँ सरकारले प्रयोगकर्ताहरूलाई प्रभाव पार्न वा तिनीहरूको उपकरणहरू नियन्त्रण गर्न एप प्रयोग गर्न सक्ने तर्फ सर्तकता देखाएको थियो।
यद्यपी, तीन वर्षदेखि टिकटकले वाशिंगटनलाई विश्वास दिलाउन खोजिरहेको छ । टिकटकले अमेरिकी नागरिकहरूको व्यक्तिगत डेटा पहुँच गर्न सकिँदैन र यसको सामग्रीलाई चीनको कम्युनिष्ट पार्टी वा बेइजिङको प्रभावमा रहेको अन्य कुनै निकायको हेर्न सक्दैनन् भनेर विश्वास दिलाउन प्रयत्नरत रहेको छ ।
