पोखरा । पोखराको सूर्यदर्शन सहकारी ठगी प्रकरणमा आज कास्की जिल्ला अदालतमा राष्ट्रिय स्वतन्त्र पार्टीका सभापति रवि लामिछानेतर्फका कानून व्यवसायीको बहस सकिएको छ ।
हिजोदेखि सुरू भएको बहस आज सकिएको हो । आज अधिवक्ता नारायण घिमिरेले रविको पक्षमा बहस सुरू गरेका थिए । अब भोलि सरकारी वकिलहरूले प्रतिउत्तर दिनेछन् । न्यायाधीस नीतिज राईको इजलासमा बहस भएकाे थियाे ।
बहस सकिएसँगैँ लामिछानेका समर्थकले प्रधानमन्त्री केपी शर्मा ओलीविरुद्ध नाराबाजी गरेका छन् । रवि लामिछानेलाई सूर्यदर्शन सहकारीको बचत अपचलन प्रकरणमा प्रतिवादी बनाइएको छ । सोही क्रममा मंगलबार लामिछाने पक्षका कानून व्यवसायीले बहस सकेका छ्न् । बहस सकेर कास्की प्रहरीको हिरासतमा लामिछानेलाई फर्काइएको छ । उनलाई अदालत गेट बाहिर निकाल्ने क्रममा समर्थकले हात हल्लाएर नाराबाजी सुरु गरे ।
रवि दाइ हाइहाई नाराबाजी गर्दागर्दै उनीहरुले प्रधानमन्त्री ओलीविरुद्ध पनि नाराबाजी गरेका हुन् । उनीहरुले कांग्रेस महामन्त्री गगन थापाविरुद्ध पनि नाराबाजी गरेका थिए ।
