काठमाडौँ – विगत केही दिनदेखि देश र बिश्वमा तरङ्ग मच्चाइरहेको चलचित्र पुष्पा–२ बारे तपाइलाई अवगत नै होला । यदि तपाईंलाई फिल्मको बारेमा थाहा छ भने, तपाईंले यसको ड्यासिङ अभिनेत्री रश्मिका मन्डन्नाकाे अनुहारको छालामा केही समस्या भएकाे पनि थाहा पाउनु भएकाे हाेला ।
रश्मिका मन्डन्ना ‘जानवर’ लगायत धेरै हिन्दी फिल्ममा पनि देखिएकी छिन् । यतिसम्म कि उनी अब बलिउडका स्थापित कलाकारमा जोडिएकी छिन् । रश्मिका मन्डन्ना मात्र २८ वर्षकी भइन् । यस्तो अवस्थामा रश्मिका मन्डन्नाको अनुहारको छालामा केही समस्या भएको छ ।
मानौं रश्मिकालाई छालाको कुनै समस्या भए पनि मेकअपले सजिलै लुकाउने गर्छिन् । यस्तो अवस्थामा रश्मिका मन्डन्नालाई मायोसाइटिस नामक गम्भीर छालाको रोग लागेको केही समाचारहरूमा जनाइएकाे छ । यो एउटा यस्तो रोग हो, जसमा क्यान्सर पनि हुनसक्छ विज्ञले जनाएका छन् ।
मायोसाइटिस के हो ?
मायोसाइटिस एक स्वत: प्रतिरक्षा रोग हो जसले मांसपेशिहरु लाई आक्रमण गर्दछ। अटोइम्यून भनेको शरीरको आफ्नै प्रतिरक्षा प्रणालीले गल्तीले शरीरमा आक्रमण गर्न थाल्नु हो। यो रोगमा मुख्यतया हात, काँध, कम्मर, तिघ्रा, पेट, मेरुदण्ड, आँखा आदिका मांसपेशीमा समस्या हुन्छ ।
मायोसाइटिस तीन प्रकारका हुन्छन्- पोलिमायोसाइटिस, डर्मेटोमायोसाइटिस र इन्क्लुजन बडी मायोसाइटिस। यीमध्ये डर्मेटोमायोसाइटिस मात्र छालासँग सम्बन्धित रोग हो। तर यसमा छाला मुनिको मांसपेशीहरु पनि बढी प्रभावित हुन्छन् । यो रोगका कारण क्यान्सरको जोखिम पनि बढ्छ ।
रश्मिका मन्डनालाई अत्यधिक मेकअपका कारण यो रोग लागेको हुनसक्ने विज्ञले जनाएका छन् । केही विज्ञले यो रोग धेरै मेकअपको कारणले होइन, तर आफैमा लाग्दछ र यसको कुनै कारण छैन भनेर जनाएकाे विभिन्न समाचार एजेन्सीहरूले उल्लेख गरेका छन् ।
कसलाई यो रोग लाग्न सक्छ ?
मेयो क्लिनिकका अनुसार डर्मेटोमायोसाइटिस ५ देखि १५ वर्ष वा ४० देखि ६० वर्षसम्मका मानिसलाई हुन्छ। रश्मिका मन्डन्नाको उमेर २८ वर्षकाे छ । अर्थात् यहाँ रश्मिका मण्डनालाई मायोसाइटिस भएको भन्नु पनि गलत हो, किनभने मन्डन्नाको उमेर यो रोग लाग्ने मध्य उमेर समूहको छैन ।
मायोसाइटिसको लक्षण
मायोसाइटिसमा छालाको रंग परिवर्तन हुन्छ। यो बैजनी रंगको वा धुलो रंगको हुन्छ। यससँगै छालामा रातो दाग देखा पर्छन् । यो आँखा देखि कुहिनोसम्म देखिन्छ। दागहरू प्रायः चिलाउने र कहिलेकाहीँ दुखाइ पनि निम्त्याउँछ।
यसको दोस्रो लक्षण भनेको मांसपेशी निकै कमजोर हुनु हो । कम्मर, तिघ्रा, काँध, हात, घाँटी आदिका मांसपेशीहरू धेरै कमजोर हुन्छन्। बिस्तारै कुरा गम्भीर बन्दै जान्छ । यो रोगको कुनै उपचार छैन। यसको लक्षण कम गर्न सकिन्छ।
त्यसोभए के रश्मिका मन्डनालाई यो दुर्लभ रोग छ ?
रिर्पोटका अनुसार रश्मिका मन्डन्नाको एक पोस्टमा उनले आफु छाला विशेषज्ञकहाँ जान लागेको बताएकी छिन् । केटीहरू प्रायः आफ्नो छालाको हेरचाह कसरी गर्ने र कुनै रोगको उपचार गराउन नपरोस् भनेर छालाका चिकित्सककहाँ जाने गर्छन्। त्यसैले रश्मिका मन्डन्नालाई मायोसाइटिस भएको हो वा हाेइन चिकित्सककाे रिर्पोटपछि मात्र थाहा हुने बताइएकाे छ ,
समाचारमा अत्यधिक मेकअपका कारण यो रोग लाग्न सक्ने बताइएको छ भने सत्य यो हो कि मायोसाइटिसको मेकअपसँग कुनै सम्बन्ध छैन, यो एक अटोइम्यून रोग हो । त्यसैले रश्मिकालाई कुनै सानो छालाको रोग लागेको हुनसक्छ तर मायोसाइटिसको चर्चा विशुद्ध कल्पना मात्र भएकाे देखिन्छ । यो रोग लाग्न रश्मिका मन्डन्नाको न त उपयुक्त उमेर छ न त यो रोगको कुनै लक्षण नै छ ।
