काठमाडौँ – प्रधानमन्त्री पुष्पकमल दाहाल प्रचण्डलाई छिमेकी देश भारत र चीनका प्रधानमन्त्रीले एकै दिन बधाई दिएका छन् । शुक्रबार दुवै देशका प्रधानमन्त्रीले प्रचण्डलाई बधाई चिठी पठाउँदै नेपालसँग सहकार्य गर्न इच्छुक रहेको बताएका हुन् ।
शुक्रबार भारतीय राजदूत नवीन श्रीवास्तवले बालुवाटार पुगेर आफ्ना सरकार प्रमुख नरेन्द्र मोदीलेले प्रधानमन्त्री प्रचण्डका नाममा पठाएको चिठी हस्तान्तरण गरेका छन्। मोदीले प्रधानमन्त्री भएलगत्तै प्रचण्डलाई ट्विटरमार्फत बधाई दिएका थिए भने भारतीय विदेशसचिव विनयमोहन क्वात्राले टेलिफोनमा बधाई दिएका थिए।
त्यस्तै चिनियाँ चिनियाँ दूतावासका प्रतिनिधि वाङ छिनले बालुवाटार पुगेर प्रधानमन्त्री ली खछियाङको बधाई सन्देश प्रचण्डलाई हस्तान्तरण गरेका हुन् ।बधाई सन्देशमा चिनियाँ समकक्षी खछियाङले प्रचण्डलाई नेपालको विकासमा आफ्नो पूर्ण साथ र समर्थन रहने उल्लेख गरेका छन् । प्रचण्ड प्रधानमन्त्री नियुक्त भएपछि सबैभन्दा पहिले चीनले बधाई दिएको थियो ।
