भक्तपुर : मध्यपुर थिमी नगरपालिकामा आइतबार बसले ठक्कर दिँदा मोटरसाइकलमा सवार एकजनाको मृत्य भएको भएको छ। चाँगुनारायण-७ बागेश्वरीकी ४५ वर्षीया अप्सरा फुयाँलको मृत्यु भएको हो।
भक्तपुरबाट काठमाडौं जाँदै गरेको बा प्र ०१–००६ख २९९६ नं को मयुर यातायातको बसले सोही दिशातर्फ जाँदै गरेको बागमती प्रदेश ०२–०२८प ०५३९ नम्बरको मोटरसाइकललाई थिमी चारदोबाटोमा ठक्कर दिँदा दिएको हो। फुयाँल मोटरसाइकलको पछाडि बसेकी थिइन्।
दुर्घटनामा घाइते उनलाई तत्काल भक्तपुर इन्टरनेसनल अस्पताल लगिएको थियो। उपचारको क्रममा मृत्यु भएको प्रहरीले जनाएको छ। प्रहरीले बस र मोटरसाइकलसहित दुवै चालकलाई नियन्त्रणमा लिएको छ।
