आज २०८१ साल कात्तिक १५ गते बिहीबारको राशिफल
मेषः सञ्चित धन खर्च हुनेछ। रोग प्रतिरोधात्मक क्षमता बढ्नेछ। उत्तरको लामो यात्रा नगर्नु राम्रो हुनेछ। संकटमा परिवारको साथ र सहयोग मिल्नेछ। प्रेम सम्बन्ध सुमधुर बन्नेछ।
वृषः राम्रो बोल्छु भन्दाभन्दै नराम्रो शब्द सार्वजनिक हुने भएकाले थोरै बोल्नु राम्रो हुनेछ। राजनीतिक क्षेत्रमा संगठनले साथ दिनेछ। चाडपर्वको नाममा निन्द्रा गडबढ हुनेछ। खान रुचि नहुने जोखिम छ। प्राविधिक शिक्षामा प्रगति हुनेछ।
मिथुनः अचानक धन नास हुने जोखिम छ। खर्च गर्नु अगाडि सचेत बन्नु राम्रो हुनेछ। शिक्षाका क्षेत्रमा राहत मिल्नेछ। विपक्षीले अप्ठेरोमा लडाउने भएकाले सचेत बन्नु राम्रो हुनेछ। परिवारमा धोका हुने भएकाले व्यवहार गर्दा सोच्नुपर्ने दिन छ।
कर्कटः आफूले आफूलाई चिन्न नसक्दा समस्या बल्झिनसक्छ। बढी चिल्लो र गुलियो खानाले शरीरमा रोगको प्रकोप बढ्नसक्छ। प्राविधिक शिक्षा र राजनीतिक क्षेत्रमा तपाईंको नाम चर्चामा हुनेछ। परिवारमा भने खटपटी बढ्नेछ।
सिंहः दिन सहज छ। साथीको सहयोगमा रमाइलो गर्ने समय हो। खानपानमा सचेत बन्नु राम्रो हुनेछ। परिवारमा खटपटी बढ्नेछ। कला र गलाको प्रदर्शन हुँदा तपाईंको प्रशंसा हुनेछ।
कन्याः धनलक्ष्मी योग परेको छ। लक्ष्मीप्रति भक्ति राख्नु राम्रो हुनेछ। राज्यको अंगमा काम गर्दै हुनुहुन्छ भने तपाईंको बढुवा हुनेछ। साथीहरु सकारात्मक भएकाले परोपकारमा मन दिनु आवश्यक देखिन्छ। परिवारले तपाईंलाई राम्रो साथ दिनेछन्।
तुलाः तपाईंको राशिमा चन्द्रमा र सूर्यको संगम भएकाले तपाईंको कला र गलाको प्रशंसा हुनेछ। दान गरेमा मन शान्त हुनेछ। शिक्षाको क्षेत्रमा ढिलासुस्ती बढ्नेछ। आफू सचेत रहनसके रोगबाट मुक्त हुने अवसर मिल्नेछ। दक्षिणको यात्रा नगर्नु राम्रो हुन्छ।
वृश्चिकः साथीभाइको सहयोग मिल्नेछ। खानपानमा ख्याल नगर्दा रोग बढ्नेछ। शिक्षाको क्षेत्रमा तपाईंको प्रशंसा हुनेछ। परिवारमा खटपटी बढ्ने योग छ। प्रेम सम्बन्धमा विवाद हुने भएकाले अगाडि नबढ्नु फाइदा होला।
धनुः दिन सहज छ। आजको लगानीबाट फाइदा हुनेछ। रोगबाट मुक्त हुने योग छ। विपक्षी सक्रिय भएकाले काम गर्दा तीन पटक सोचेर अगाडि बढ्नु राम्रो हुनेछ। शेयर कारोबारमा फाइदा हुनेछ।
मकरः सञ्चित धन खर्च हुनसक्छ। लगानी गर्न अगाडि नबढ्नु राम्रो हुनेछ। साथी र संगठनको राम्रो साथ मिल्नेछ। एकल लगानी भने घातक हुनेछ। परिवारले साथ नदिँदा मन अशान्त बन्ने खतरा छ।
कुम्भः मुल त्रिकोणमा शुभग्रह बसेका छन्। लगानीका क्षेत्रमा फाइदा हुनेछ। साथीभाइले साथ दिनेछन्। परिवारसँगको सम्बन्ध सुमधुर बन्नेछ। व्यापारमा फाइदा हुनेछ।
मीनः पश्चिमको यात्रा नगर्नु राम्रो हुनेछ। अचानक नराम्रो समाचारले मन अशान्त बन्नेछ। आज नयाँ कुरा गर्नु भन्दा दैनिक कामलाई मात्र निरन्तरता दिनु राम्रो हुनेछ। परिवारको साथ र सहयोग मिल्नेछ।
