काठमाडौं । दिप्रुङ चुइचुम्मा गाउँपालिका अध्यक्ष लोकेन्द्र राईले अविरल वर्षातका कारण दिप्रुङ चुइचुम्मा गाउँपालिका भित्रका सडक खण्डहरुमा सवारी आवागमनमा प्रत्यक्ष असर परेकाले उक्त सडक खण्डहरु र्मर्मत सम्भार गरी संचालनमा ल्याउनका लागि कोशी प्रदेशका भौतिक पूर्वाधार विकास मन्त्री भुपेन्द्र राई र कोशी प्रदेशका मुख्यमन्त्री हिक्मतकुमार कार्कीसमक्ष ५० लाख बराबरको आपतकालिन बजेट विनियोजन गरिदिन आग्रह गरेका छन् । अध्यक्ष राईले मंगलबार विराटनगरस्थित कोशी प्रदेश अन्र्तगत मुख्यमन्त्रीको कार्यालय पुगेर कोशी प्रदेशका मुख्यमन्त्री हिक्मतकुमार कार्कीलाई उक्त पत्र बुझाएका हुन् ।
अध्यक्ष राईले सामाजिक संजालमा लेखेका छन– केहि दिनको लगातार बर्षातका कारण भौतिक संरचना बिषेश गरेर गाउपालिका भित्रका पालिका देखि वडा कार्यलय स्वास्थ कार्यलय सम्म आवत जावत नै बन्द भएको छ ।संङै प्रमुख सडकहरु पनि ठप्प रहेको छ ।उक्त सडक खोल्नका लागि हामि लागिरहेका छौ । तर हाम्रो जस्तो स्थानिय स्रोत साधान कम भएको गाउपालिकाले बजेट जुटाउन समस्या हुनेभएकोले आज माननिय मुख्य मन्त्री र माननिय भौतिक बिकास मन्त्री ज्यु लाई केहि आर्थिक सहेता माग्न म प्रदेश को राजधानि बिराटनगर पुगेको थिए । तर भौतिक मन्त्री ज्यु अनुगमन को लागि आफ्नो क्षेत्र बन्शिला घाट र धाप्लाङ घाट जानु भएको मन्त्रालय पुगेपछि थाहा भयो। र मैले आफ्नो माग पत्र मुख्य मन्त्री ज्यु लाई नै ट्रक्र्याएर भौतिक मन्त्री ज्यु लाई टेलिफोन मार्फत जानकारि गराएर यतिबेला बाटोमा फिर्दैछु । आसा छ हाम्रो मागको सम्बोधन हुनेछ ।
असोज ९ गतेदेखि लगातार रुपमा १२ गते सम्म परेको अविरल वर्षाका कारण देशैभरी व्यापक धनजनको क्षति भएको छ । यसैगरी सोही अविरल वर्षातका कारण दिप्रुङ चुइचुम्मा गाउँपालिका भित्रका सडक खण्डहरु, रमाइलो पञ्चमी , कान्सिङ खोला सडक, रेग्मीटार–पक्षी सड़क, खानीडाँडा याम्खा पञ्चमी–चिप्रिङ सहक, तावाखोला यारखा पक्षमि सडक, दिलैची टेम्मा–ओधेसका सार्वजनिक भौतिक संरचनाहरूमा व्यापक क्षति भएको गाउँपालिका अध्यक्ष राईले जानकारी दिए । अविरल वर्षाका कारण नेपालीहरुको महान चाडपर्वहरु तिहार एवं छठ पर्वको सम्मुखमा गाउँपालिकाको सार्वजनिक सेवा प्रवाह साथै नागरिकको दैनिक जन –जीवनमा प्रतिकुल असर पुगेको उनले बताए ।
