पोखरा, ८ पुस । कास्कीबाट प्रतिनिधि सभा तथा गण्डकी प्रदेश सभा सदस्यमा निर्वाचित सांसदलाई बधाई तथा सम्मान व्यक्त गरिएको छ ।
जिल्ला समन्वय समिति कास्कीले शुक्रबार औपचारिक कार्यक्रमको आयोजना गरी कास्कीबाट प्रतिनिधि तथा प्रदेश सभा सदस्यमा निर्वाचित सांसदलाई बधाई तथा सम्मान प्रदान गरेको हो । जिल्ला समन्वय समिति कास्कीका प्रमुख लीलाधर पौडेलले प्रतिनिधि र प्रदेश सभा सदस्यमा निर्वाचित सम्पूर्ण सांसदलाई बधाई तथा सम्मान व्यक्त गर्नुभएको थियो ।
बधाई कार्यक्रममा बोल्दै पौडेलले प्रदेशमा केही कानुन नहुँदा अनुगमन र समन्वय प्रभावित हुन पुगेको बताउनुभयो । सो अबसरमा कास्की क्षेत्र न.३ बाट प्रतिनिधि सभा सदस्यमा निर्वाचित दामोदर पौडेल बैरागील सबैको सहभागिताबाट मात्र विकास सम्भव भएको बताउनुभयो ।
गण्डकी प्रदेश सभा सदस्य प्रकाश बरालले निरन्तर बिकास नै जन अपेक्षा भएको हुँदा आफूहरू नीति निर्माण सङ्गै विकासमा लागि पर्ने बताउनुभयो । त्यस्तै प्रदेश सभा सदस्य सरस्वती गुरुङले अब राजनीतिक दलका नेता विकास केन्द्रित हुनुपर्नेमा जोड दिनुभयो । सो अवसरमा प्रदेश सभा सदस्य देबका पहारी, नन्दकला दमै ,राजकुमारी भुजेल लगायतले आफ्ना भनाई राख्नुभएको थियो ।
