दूधसँग दही, नून, कागती, तित्री र अरु फलहरु, जस्तै ः आँप, बयर, जामुन, बडहर, अरिवल, अनार आदि लिनु रोगप्रदायक मानिन्छ ।
दहीसँग खिर, पनिर, तातो पदार्थ र पानीको अधिक मात्रा भएको फल जस्तो कि खरबुजा, काँक्रो, टमाटर, भुइँकटहर, तरबुजा आदि कहिल्यै खानु हुँदैन ।
घिऊ र मह बराबर मात्रामा कहिल्यै लिनु हुँदैन । घिउ र महसँग चिसो पानीको सेवन पनि स्वास्थ्यविरुद्ध मानिन्छ ।
पानी पिउने बित्तिकै खरबुजा, काँक्रा, तरबुजा, बदाम र घिउ तथा तेलजन्य खाद्यवस्तु सँगै खानु आयुर्वेदानुसार विपरित (हानिकारक) आहार हो ।
महलाई तातो दूध, तातो पानी, तातो घिऊतेल तथा अरु कुनै तातो खाद्यवस्तुसँग सेवन गर्नु अत्यन्त हानिकारक मानिएको छ । मह मात्रै पनि तताएर खानुहुँदैन ।
मुला र दूध एकसाथ खानु अत्यन्त हानिकारक मानिन्छ । यहाँसम्म कि यसले कुष्ठरोग उत्पन्न गर्न सक्ने खतरा रहन्छ ।
खिर खाएपछि सातु या सातु पिटेको पानी सेवन गर्नु आयुर्वेदानुसार स्वास्थ्यविपरित हुन्छ ।
काँस (झर्के) को भाँडामा राखिएको घिउ स्वास्थ्य तथा पाचनका निम्ति ठूलो शत्रु हो ।
खरबुजा र हाँसको अण्डा एक साथ लिनु विषतुल्य मानिन्छ । त्यस्तो मेल तत्काल मृत्युदायक पनि हुन सक्छ ।
नपाकेको काँचो र पाकेको फलफूल बराबर मात्रामा एकसाथ खानु रोग उत्पन्न हुने मौका दिनु हो ।
साभारः ‘खाने कसरी पिउने कसरी’ पुस्तकबाट
