नुन सत्याग्रहको समयमा अँग्रेज सरकारले गान्धीलाई साबरमती जेलको अगाडि साबरमती आश्रममा नजरबन्द गरेर राखेका थिए । उनीमाथि निगरानी राख्ने काम साबरमती जेलका जेलरलाई दिइयो ।
एक पटक जेलरलाई गान्धीले सन्देश पठाए कि उनलाई केही फलफूल पठाइदिनु ।
जेल अगाडिको बगैँचामा कैयौँ प्रकारका फल धेरै फलेका थिए । गान्धी जस्ता महापुरुषले फल मागिरहेका छन् यो सोचेर जेलरले एउटा सिपाहीलाई धेरै फल टिपेर कैयौँ टोकरीमा भरेर पठाइदिए ।
केही क्षणमा सिपाही फर्केर आयो । उसले टोकरी पनि फिर्ता ल्याएको थियो । गान्धीले सिपाही मार्फत जेलरलाई सन्देश पठाए— तपाईंले पठाएको फल पाएँ, यसको लागि म तपाईंको आभारी छु । मेरो लागि दुईवटा फल पर्याप्त छन् । त्यसैले मैले दुईवटा राखेँ बाँकी तपाईंलाई फिर्ता पठाइरहेको छु । कृपया यो अरु कैदीलाई बाँडिदिनु ।
साभारः ‘प्रेरक प्रसङ्हरु’ पुस्तकबाट
