१. हाम्रा इच्छाहरु सुन्दर र सूक्ष्मतिर विकासिनु सभ्यता हो ।
२. सौन्दर्य चेतसँग जीवनको विकास सम्बन्धित भएझैँ सङ्गीत र सभ्यताका युगहरु घनिष्ठ तवरले बाँधिएका हुन्छन् ।
३. मेरो मातृभूमिमा त्यो आर्यसभ्यता छ जसले संसारलाई एक विशाल युगसम्म आध्यात्मिक पोषण पु¥याउन सक्दछ ।
४. चाँडै नै खुसाउनु र रिसाउनु, प्रभावित हुनु वा सेलाउनु अर्धसभ्य र जङ्गलीका लक्षणहरु हुन् ।
५. विचार भन्ने वस्तु सम्भावनाका अनन्तताले संयुक्त आधार अग्नि पदार्थ हो । यो मानिसको साम्राज्यको हतियार हो ।
६. खतरा नभएको जीवनमा हामी जिउन सक्दनौँ ।
७. शिक्षा त्यसलाई भन्दछु, जसले मानिसलाई पूर्ण बनाउँछ । जसले जीवनको अल्पतामा दृष्टि राखेर समयको उपयोग गर्न सिकाउँछ र सबभन्दा उत्तम मानवोपकारी क्रियाहरुमा जसले सबै मानसिक र शारीरिक शक्तिहरुलाई बचाउने किसिमले मेलमिलाप र सम्बद्र्धन दिन्छ, जसले मानव आत्मालाई आफ्नो भित्री शक्ति र सूक्ष्मातिसूक्ष्म भावनाहरुमा सचेत गराउँछ ।
साभारः ‘महापुरुषहरुका अमर वाणी’ पुस्तकबाट
