काठमाडौं । नेपाल एयरलाइन्सले चिनियाँ जहाज बेच्न टेण्डर आह्वान गरेको छ । एयरलाइन्सले ५ वटा जहाज बेच्नका लागि टेण्डर आह्वान गरेको हो ।
एयरलाइन्सले ३ वर्षदेखि त्रिभुवन अन्तर्राष्ट्रिय विमानस्थलमा ५ वटा चिनियाँ जहाज ग्राउण्डेड बनाएर राखेको छ । उक्त जहाज बिक्री गर्ने प्रयोजनका लागि नेपाल एयरलाइन्सले मंगलबार जहाजको पूर्ण मूल्यांकनका लागि टेण्डर आह्वान गरेको हो ।
पूर्ण मूल्यांकनपछि यी जहाजको मूल्य तय हुने निगमले जनाएको छ । त्यसपछि ग्लोबल टेन्डर आहृवान गरी यी जहाज बिक्रीको प्रक्रिया सुरु गरिने निगमले जनाएको छ । निगमले भाडामा दिन खोज्दा कसैले पनि जहाज उडान तयार नभएपछि बिक्री गर्ने विकल्पमा पुग्नु परेको निगमले जनाएको छ ।
निगमले यी जहाज २०७७ साउन १५ देखि ग्राउण्डेड गरेको छ। ती जहाज जे जस्तो अवस्थामा छन्, सोही अवस्थामा मूल्यांकन गर्न निगमले मंगलबार टेन्डर निकालेको हो ।
निगमसँग कुल ६ वटा जहाज थिए । जसमध्ये एउटा जहाज भने तीन वर्ष अगाडि नेपालगन्ज विमानस्थलमा दुर्घटनामा परेसँगै उड्नै नसक्ने गरी बिग्रिएको थियो । अन्य ५ वटा जहाज (दुई वटा एमए ६० र ३ वटा वाई १२ ई) जहाजको मूल्य तोक्ने तयारी निगमले गरेको हो ।
निगमले यी जहाज आफुले चलाउन नसक्ने पछि सरकारलाई जिम्मा दिएको जहाज सरकारले पनि व्यवस्था गर्दै आएको छ ।
