सरदार बल्लभभाइ पटेल फौजदारीका प्रसिद्ध वकिल थिए । एक पटक उनी फौजदारीको बारेमा एउटा अदालतमा वकालत गरिरहेका थिए । कुरा गम्भीर थियो र उनीहरुको अलिकति असावधानीले अभियुक्तलाई फाँसी दिलाउन सक्थ्यो । उनी गम्भीरतापूर्वक आफ्नो तर्क दिइरहेका थिए ।
तब कसैले उनको नामको एक तार ल्याएर उनलाई थमाइदिए । उनले तार खोेले पढे र पट्याएर गोजीमा राखे । फेरि उनी ध्यानपूर्वक बहस गर्न थाले ।
अदालतको समय समाप्त भयो तब उनी हतार हतार बाहिर लागे । साथी वकिल उनको नजिकै पुगेर उनको पत्रको बारेमा सोधे तब उनले भने, मेरी पत्नीको मृत्यु भयो । त्यसैको सूचना थियो ।
साथीले भने— यति ठूलो घटना घट्यो र पनि तिमी बहस गरिरहेका थियौ ।
बल्लभाइको जवाफ थियो— अरु के गर्नु ? उनी त मरेर गइन्, अब के अभियुक्तलाई पनि जान दिनु ?
साभारः ‘प्रेरक प्रसङ्हरु’ पुस्तकबाट
