काठमाडौं । अन्तराष्ट्रिय मैत्रीपूर्ण खेलमा पाँचपटकको विश्वकप विजेता ब्राजिलले भारतमाथि सहज जित निकालेको छ । शनिबार बेलुकी भएको खेलमा ब्राजिलले भारतलाई ४-० गोलले पराजित गरेको हो ।
कोलकत्तास्थित विवेकानन्द युवा भारती क्रिरान्गान स्टेडियममा भएको खेलमा ब्राजिललाई जित दिलाउन सामुएल डियास लिनोले दुई तथा इस्टेभाओ र पेड्रोले समान एक/एक गोल गरे । खेलको २८ औँ मिनेटमा इस्टेभाओले गोल गर्दै ब्राजिललाई शुरुवाती अग्रता दिलाएका थिए ।
४२ औँ मिनेटमा पेड्रोले गोल गर्दै ब्राजिलको अग्रता दोब्बार बनाए । ५८ औँ मिनेटमा लिनोले गोल गर्दै ब्राजिललाई ३-० गोलको अग्रता दिलाए । यस्तै दोस्रो हाफको इन्जुरी समयको पाँचौ मिनेटमा लिनोले व्यक्तिगत दोस्रो गोल गर्दै ब्राजिललाई ४-० गोलको जित दिलाएका हुन् ।
