जाडो मौसम जारी छ । जाडो मौसममा हामी मध्ये धेरै सुत्न मनपराउछौं । जाडोबाट लाग्ने रोगबाट बच्नका लागि पनि हामी मध्ये धेरैले ओछ्यानमै समय विताउने गरेका छौं । तर यसलाई एक अध्ययनले गतल सावित गरिदिएको छ ।
यूरोपियन हार्ट जर्नलमा प्रकाशित अध्ययन रिपोर्टका अनुसार ६ या ८ घन्टा भन्दा धेरै समय सुत्नुले मुटुको बिरामी हुनुका साथ साथै चाडै मृत्यु हुने खतरा पनि बढ्न जान्छ । तर अध्ययनको रिपोर्टका अनुसार पर्यात्त मात्रामा निद्रा निकै महत्वपूर्ण हुन्छ । तर आवश्यकता भन्दा धेरै सुत्दा भने स्वास्थ्यलाई निकै असर पर्न जान्छ ।
आवश्यकता भन्दा धेरै सुत्दा मुटुका बिरामीका साथ समयभन्दा पहिला मृत्यु हुने खतरा बढ्ने गरेको छ ।
अध्ययनका क्रममा शोधकर्ताको टीमले २१ अलग अलग आयको देशका १ लाख १६ हजार ६ सय ३२ मानिसबीचमा निद्राको डाटाको जाँच गरिएको थियो । यसमा ४ अत्याधिक आयवाला देश जस्तै क्यानडा, स्वीडेन, साउदी अरब, युएइ, १२ मध्य आएका भएका देश जसमा अर्जेन्टिना, ब्राजिल, चिली, चीन, इरान, मलेशिया लगातका देशमा अध्ययन गरिएको थियो । यसका साथै कम आय भएका देश बंगालादेश, भारत, पाकिस्तान, तान्जातिया तथा जिम्बाबेका मानिसलाई सहभागी गराइएको थियो ।
अध्ययनमा सहभागी सबै देशका मानिससँग उनीहरुको आर्थिक स्थिति, लाइफस्टाइल, सुत्ने समय, धुम्रपान, अल्कोहल, व्यायाम, डाइट तथा विरामीसँग सम्बन्धी प्रश्नहरु सोधिएको थियो ।
नतिजामा आए अनुसार जो मानिस ८ घन्टा भन्दा धेरै सुत्छन् उनीहरुमा हर्ट अट्याक तथा स्ट्रोक हुने खतरा अधिक हुन्छ । साथसाथ यस्तो मानिसको चाडो मृत्यु हुने खतरा पनि ४१ प्रतिशत बढ्न सक्छ । अध्ययनका अनुसार व्यक्तिलाई ६ देखि ८ घन्टा भन्दा धेरै समय सुत्नु घातक हुन जान्छ ।
