अमेरिकी र नेपाली हिप–हप कलाकारहरूसँगको कार्यक्रम उपलब्धिमुलक र रमाइलो भएको भन्दै अमेरिकी दुताबासले विराटनगरलाई धन्यवाद व्यक्त गरेको छ ।
बुधबार विराटनगरमा भएको हिप–हप कलाकारहरूको कार्यक्रमा उत्साहजनक उपस्थित रहेका भन्दै दुताबासले आफ्नो आधिकारीक फेसबुक पेजमार्फत विज्ञप्ती जारी गर्दै धन्यवाद व्यक्त गरेको हो ।
विज्ञप्तीमा भनिएको छः
हिप–हप संस्कृतिलाई सामाजिक परिवर्तन र अभिव्यक्तिको साधनको रूपमा मनाउन अमेरिकी र नेपाली हिप–हप कलाकारहरूसँग रमाइलो कार्यक्रमका लागि हामीसँग सामेल हुनुभएकोमा विराटनगरलाई धन्यवाद।
विभिन्न कलाका प्रकारहरू अभिव्यक्तिको माध्यमको रूपमा प्रयोग गरेर अमेरिकी हिप–हप अभ्यासकर्ताहरू र नेपाली र्यापर, डान्सर र निर्माताहरू बीचको सहकार्य देख्न पाएकोमा हामी खुशी छौं।
अमेरिकी र नेपाली हिप–हप संस्कृति बीचको यो एकीकरणले कलाकारहरूको लागि विभिन्न प्रविधि र शैलीहरू प्रयोग गरेर उनीहरूको रचनात्मक विचारहरू साझा र सुधार गर्न ठाउँ सिर्जना गरेको छ।
