शरीर स्वस्थ राख्ने केही फलफूल

हामीले दैनिक जीवनमा खाने खानेकुरामा नै हाम्रो स्वास्थ्य निर्भर हुन्छ । त्यसैले हामीले शरीरलाई स्वस्थ एवम् तन्दुरुस्त राख्नका निम्ति खानपानमा विशेष ध्यान दिनुपर्छ । खानपानमा ध्यान नदिँदा हाम्रो स्वास्थ्यलाई धेरै नै हानी पुग्दछ ।
– ब्रोकाउलीमा बीटा क्यारोटीन र आइसोथियोसायनेट नामक पोषक तत्व पाइनुको साथै यसले एन्टीएजींगको प्रक्रियामा समेत सहयोग गर्ने हुँदा खानामा ब्रोकाउलीको प्रयोग गर्नु निकै नै लाभदायक हुन्छ । ब्रोकाउलीले क्यान्सर रोकथाममा पनि सहयोग गर्दछ ।
– सुन्तला, निबुवा, कागती आदि भिटामिन सी पाइने फलफूल हुन् । भिटामिन ‘सी’ युक्त फलफूलले रोग प्रतिरोधक क्षमतालाई बढाउने काम गर्छ । विभिन्न एलर्जीबाट बचाउनका लागि पनि भिटामिन सी युक्त फलफूल आवश्यक पर्छ । यी फलफूलहरुको सेवनबाट एन्टीअक्सीडेन्ट्स पनि प्राप्त गर्ने हुँदा क्यान्सर उत्पन्न गर्ने तत्वसँग लड्ने क्षमता समेत प्रदान गर्छ ।
– शरीरमा रगतको कमी हुँदा रगतमा हेमोग्लोबिनको मात्रा बढाउन अनारको सेवन महत्वपूर्ण मानिन्छ । यसको सेवनले छाला स्वस्थ हुनुको साथै यसमा पाइने सुक्ष्म पोषक तत्वले शरीरको भित्री अंग समेत बलियो बनाउन सहयोग गर्छ ।
– अंकुराउँदै गरेको गेडागुडीको सेवनले छाला बलियो तथा कसिलो बनाउनुका साथै बुढ्यौलीपनलाई हटाउनका निम्ति लाभदायक हुन्छ । यसको सेवनले रोग प्रतिरोधक क्षमतामा वृद्धि हुनको साथै धेरै रोगहरुबाट बचाउन यसले सहयोग गर्छ । ।
– ग्रीन टीमा एन्टी अक्सीडेन्ट्स तत्व हुने हुँदा यसले स्वास्थ्यलाई स्वस्थ रहन मद्दत गर्छ । यसले शरीरको तौल घटाउने, कपाल झर्नबाट रोक्ने जस्ता काम गर्छ । यसको सेवनबाट रगतमा चिनीको मात्रा कम गर्न मदत गर्छ । यसको सेवनबाट कोलेस्ट्रोलको समेत सन्तुलन गर्दछ । यसले रक्त चापलाई समेत नियन्त्रणमा राख्न मद्दत गर्छ ।
– जौमा पर्याप्त मात्रामा फाइबर पाइने हुँदा यसले कब्जियतको समस्या हटाउनका लागि अत्यन्तै लाभदायक हुन्छ । साथै यसले पाचन प्रणाली समेत मजबुत बनाउँछ । जौको सेवनले कोलेस्ट्रोलको मात्रा घटाउनका लागि पनि सहयोग पु¥याउँछ ।
– लसुनको सेवनले शरीरमा रोग प्रतिरोधक क्षमता बढ्ने हुनाले यसले शरीरलाई धेरै रोग लाग्नबाट बचाउँछ । यसको सेवनबाट उच्च रक्तचापको नियन्त्रण गर्न समेत सहयोग मिल्छ ।