आज २०८० साल पुस २९ गते आइतबारको राशिफल
मेषः समय राम्रो छ। बोलीमा सरस्वती बसेकाले सबैले प्रशंसा गर्नेछन्। बोल्दा ख्याल गर्नुपर्छ। शिक्षा र स्वास्थ्य क्षेत्र सबल छन्। वैदेशिक क्षेत्रको लगानीबाट फाइदा हुनेछ। परिवारमा विश्वासको अभाव देखिन्छ।
वृषः दिन राम्रो छ। आम्दानी हुने दिन छ। पूर्वको यात्रा गरेमा अचानक धन खर्च हुनेछ। पिउने साथीसँग संगत नगर्नु राम्रो हुन्छ। परिवारको साथमा हुने भएकाले दिन रमाइलोसँग बित्नेछ। प्रेमीसँग भेट हुनेछ।
मिथुनः दैनिकी सामान्य राम्रो छ। शिक्षा, स्वास्थ्य र वैदेशिक क्षेत्रमा गरेको लगानीबाट फाइदा हुनेछ। आर्थिक उन्नति हुनेछ। मानसिक खटपटीले आफूलाई घाटा गर्नेछ। परिवारसँगको सम्बन्ध राम्रो हुनेछ।
कर्कटः समय राम्रो छ। गणेशको दर्शन गरेमा दिन अझ सहज हुनेछ। हरेक क्षेत्र सबल छन्। स्वदेशमै रोजगारीको विकल्प देख्न सकिन्छ। परिवारमा भने विश्वासको अभाव हुनेछ।
सिंहः समय राम्रो छ। स्वास्थ्य, शिक्षा र रोजगारीको क्षेत्र सबल देखिन्छ। पेट सम्बन्धी समस्या देखिन सक्छ। खानपानमा सचेत हुनुपर्ने देखिन्छ। परिवारको साथ मिल्नेछ।
कन्याः दैनिकी सामान्य छ। गुमेको धन र हराएका साथी भेटिने योग रहेको छ। खुट्टा तान्ने सक्रिय रहेकाले सचेत भएर काम गर्नुपर्ने देखिन्छ। आजको दिन विचार पुर्याएर आफूलाई सुरक्षित राख्नु राम्रो हुन्छ।
तुलाः हरेक क्षेत्र अब्बल छन्। आज परोपकार गर्नु राम्रो हुन्छ। धेरै मानिसले तपाईंको प्रतिक्षा गर्नेछन्। पारिवारिक शुत्रबाट साथ र सहयोग मिल्नेछ। प्रेस सम्बन्ध सुमधुर हुनेछ।
वृश्चिकः दिन सामान्य छ। ठुलो कामको सुरुवात नगर्नु राम्रो हुन्छ। हरेक क्षेत्रमा आरोप प्रत्यारोप र विरोधका स्वर सुन्न सकिन्छ। परिवारको साथ र सहयोग मिल्नेछ। वैदेशिक क्षेत्रमा गरेको लगानीबाट उन्नति हुनेछ।
धनुः बोलीको फन्दानमा पर्ने योग रहेको छ। विचार गरेर बोल्नु राम्रो हुन्छ। कामको प्रशंसा हुनेछ। शिक्षामा सफलता मिल्नेछ।
मकरः दैनिकी राम्रो छ। अचानक धन खर्च हुने भए पनि धर्म र समाजसेवामा सफलता मिल्नेछ। वैदेशिक क्षेत्रमा भइरहेको प्रयास सफल हुनेछ। परिवारमा खटपटी हुनेछ।
कुम्भः समय राम्रो छ। कर्मको फल मिल्नेछ। तपाईंलाई न्याय हुनेछ। पन्छीलाई दाना दिनु राम्रो हुन्छ। परिवारको साथ मिल्नेछ।
मीनः समय सामान्य छ। हरेक क्षेत्र विवादित रहे पनि शिक्षामा गरेको लगानी र श्रमबाट लाभ प्राप्त हुनेछ। परिवारबाट साथ र सहयोग प्राप्त हुनेछ। प्रेम सम्बन्ध सुमधुर बन्नेछ।
