बच्चालाई जब कुनै समस्या हुन्छ त्यसपछि दुःख दिन्छ । यदि उसलाई राम्ररी ख्याल गर्ने, सही समयमा सुताउनु, खुवाउने, सफा गरिदिने हो भने बच्चाले दुःख दिँदैन । यसमा बच्चाभन्दा हामी अभिभावक नै जिम्मेवार हुन्छौं । त्यति गर्दा गर्दै पनि कतिपय बच्चा राती रुने, नसुत्ने जस्ता गतिविधिले अभिभावक हैरान हुन्छन् । बच्चाको निद्रा नखलबलिईकन राम्रोसँग सुताउनको लागि अभिभावकले गर्नैपर्ने केही कार्यहरु यस प्रकार छन्—
– बच्चाहरु दिनभर उफ्रने, खेल्ने भएकाले थाक्छन् । यदि उसले आँखा मिच्न थाल्यो, टाउको झुकाएर झुल्न थाल्यो भने तुरुन्तै ओछ्यानमा लगेर सुताउनुपर्छ ।
– सानो बच्चाको लागि जहिले पनि राम्रो गुणस्तरको नेपकिन प्रयोग गर्नुपर्छ । जसले गर्दा पटक पटक बदल्नको लागि बच्चाले दुःख पाउँदैन र राती मस्त निदाउन पाउँछ ।
– बच्चालाई राती निदाउनुअघि नै उसलाई पर्याप्त मात्रामा खाना खुवाउनुपर्छ । उसलाई भोक लागिरहने हुँदा राती पनि कुनै एक समय निर्धारण गरी केही ख्वाउने गर्नुपर्छ ।
– बच्चा भएको घरमा बढी होहल्ला हुनुहुँदैन । टेलिभिजन हेर्ने, गीत सुन्ने, ठूलो आवाजमा कुराकानी गर्ने जस्ता गतिबिधिले बच्चालाई बेचैन बनाउँछ ।
