केन्याका राष्ट्रपति विलियम रुटो र सुडानको संक्रमणकालीन सार्वभौमिकता परिषद्का अध्यक्ष अब्देल फताह अल–बुर्हान सात महिना पुरानो द्वन्द्व अन्त्य गर्न सबै समावेशी वार्ताको रूपरेखातर्फ काम गर्न सहमत भएका छन्।
दुई नेताबीच केन्याको राजधानी नैरोबीमा सुडान र यस क्षेत्रको पछिल्लो सुरक्षा अवस्थाबारे द्विपक्षीय वार्ता भएको नैरोबीमा जारी संयुक्त विज्ञप्तिमा उल्लेख छ। रुटो र अल–बुर्हानले जेद्दा र विकासमा अन्तरसरकारी प्राधिकरण ९आइजीएडी० शान्ति प्रक्रियाहरू सहित जारी शान्ति पहलहरूको अवस्थाको समीक्षा गरेका थिए।
विज्ञप्तिमा भनिएको छ, ‘दुई नेताहरूले सुडानमा भएको द्वन्द्वको समाधान सम्भव भएसम्म छिटो खोज्नुपर्ने आवश्यकतालाई जोड दिएका छन्।’ दुई नेताले साउदी अरेबियाको बन्दरगाह सहर जेद्दामा भएको सुस्त प्रगतिलाई पनि स्वीकार गरे।
जहाँ सुडानी युद्धरत पक्षहरू सात महिनादेखि जारी द्वन्द्व अन्त्य गर्न बैठक बस्दै आएका छन् र शत्रुताको अन्त्यतर्फको प्रक्रियालाई तिब्रता दिन आग्रह गरेका छन्। गत हप्ता जेद्दामा समाप्त भएको वार्ता युद्धबिराममा सहमत हुन असफल भएको थियो।
दुई नेताहरूले सुडानमा शत्रुताको अन्त्यतिर जेद्दा प्रक्रियालाई गति दिने उपायहरू खोज्नको लागि तत्काल आइजीएडी शिखर सम्मेलनको आयोजना गर्ने दिशामा काम गर्न पनि सहमत भएका छन्। शिखर बैठकले सबै समावेशी सुडानी वार्ताको लागि एक रूपरेखामा पनि सहमत हुनेछ।
सुडानी सशस्त्र बल र अर्धसैनिक र्यापिड सपोर्ट फोर्स सुडानको सैन्य सरकारको प्रतिद्वन्द्वी गुटहरूबीच १५ अप्रिलदेखि घातक झडपहरू भइरहेका छन्। द्वन्द्वले अक्टोबरसम्म ९ मानिसहरूको ज्यान लिइसकेको छ। सुडानभित्र र बाहिर ६ मिलियन भन्दा बढी बिस्थापित भएका छन्। २५ मिलियनलाई सहायताको आवश्यकता छ।
