मौसम परिवर्तनको समय आइसकेको छ । मौसम परिवर्तन भएसँगै ब्याक्टेरियल संक्रमणका कारण रुघाखोकी र ज्वरोको समस्याले सताउन थाल्छ । यो बेलामा इम्युनिटी कमजोर बन्ने हुँदा रोगसँग लड्ने शरीरको क्षमता घटेको हुन्छ ।
यहाँ मौसम परिवर्तनको बेला हामीले इम्युनिटी पावरलाई बढाउनका लागि ध्यान दिनुपर्ने आहारका विषयमा चर्चा गरिएको छ —
– अदुवाको सेवनले इम्युनिटी द्रुत गतिमा बढ्छ । यसमा एन्टीब्याक्टेरियल, एन्टीमाइक्रोबियल, एन्टीअक्सिडेन्ट लगायतका गुण हुन्छन् । रुघाखोकी र घाँटी खसखसको समस्याबाट राहत मिल्छ । तरकारीमा राखेर वा महसँग वा चिया बनाएर अदुवा सेवन गर्न सकिन्छ ।
– मह पोषक तत्वले भरपूर हुन्छ । यसको सेवनले गला र श्वासप्रश्वासको समस्या हट्छ । महको सेवनले इम्युनिटीलाई पनि बलियो बनाउँछ । बिहानै उठेर मनतातो पानीमा मह र कागतीको रस राखेर पिउने गर्नाले चिसोबाट आराम दिनुका साथै तौल पनि नियन्त्रणमा राख्छ ।
– लसुन पोषक तत्व र औषधीय गुणले भरिपूर्ण हुन्छ । यसको सेवनले सङ्क्रमण फैलाउने ब्याक्टेरियाबाट मुक्त गर्छ । यसले इम्युनिटी र पाचनतन्त्र बलियो बनाउँछ । लसुनलाई काँचै खाँदा राम्रो हुन्छ । पानी उमालेर त्यसमा लसुन राखेर पनि पिउन सकिन्छ सकिन्छ ।
– बजारमा पाइने सुपलाई पानीमा उमालेर पिउन सकिन्छ । यसको सेवनले ज्वरो र छातीमा जमेको कफबाट मुक्ति पाइन्छ ।
– केराबाट प्रचुर फाइबर पाइन्छ । यसको सेवनले पाचनतन्त्र बलियो बनाउनुको साथै केरामा चिसोसँग लड्ने पोषक तत्व तथा क्यालोरीहरू पनि पाइन्छ ।
