काठमाडौं । बलिउडका अभिनेत्री रम्भा कार दुर्घटनामा परेकी छन् । अभिनेत्री बालबालिकालाई स्कुलबाट लैजाँदै गर्दा अर्को कारसँग ठोक्किएर दुर्घटनामा परेकी हुन् ।
दुर्घटनामा रम्भाको कार नराम्ररी क्षतिग्रस्त भएको भएको छ । कारमा अभिनेत्रीका छोराछोरी र नानी पनि थिए । नायिकाकी छोरीलाई अस्पताल भर्ना गरिएको छ ।
रम्भा अहिले फिल्मी दुनियाँबाट टाढा छिन् । कुनै समय बलिउडमा उनको नाम चर्चामा थियो । रम्भा सलमान खानको अपोजिट जुडवामा देखिएकी थिइन् । यो फिल्मबाट उनले विशेष पहिचान पाएका थिइन् ।
जुडवा बाहेक रम्भा ‘घरवाली बहरवाली’लगायत धेरै फिल्ममा देखिएकी छिन् । रम्भाले हिन्दी सिनेमाबाहेक तमिल, तेलुगु, कन्नड, मलयालम, बंगाली फिल्ममा पनि काम गरिसकेकी छिन् ।
