दही खान स्वादिलो हुनुको साथै स्वास्थ्यवद्र्धक पनि मानिन्छ । तर, दही खाने समय र तरिकामा ख्याल गरिएन भने गुणकारी हुँदाहुँदै पनि यसको सेवन विषाक्त बन्न पुग्छ । दहीको स्वाद र स्वास्थ्यका लागि मात्र होइन, सौन्दर्यका लागि पनि उत्तिकै उपयोगी मानिन्छ । दहीमा केही यस्ता तत्व हुन्छ, जसले पाचन क्रियालाई चुस्त राख्न सहयोग गर्छ । तर समय र तरिकामा भने ध्यान दिनुपर्छ ।
– दही खाने उपयुक्त समय बिहानलाई मानिन्छ । हात–गोडाको जलन, कमजोरीका साथै विशेष गरी पेटकोसँग सम्बन्धित समस्या हुनेले बिहान दही सेवन गर्दा ठीक हुन्छ । बिहानको नास्तामा सख्खर मिलाएर दही खाँदा रक्तसञ्चारमा फाइदा पुग्छ ।
– यसमा हुने रसायनिक पदार्थले गर्दा यो दूधभन्दा चाँडै पच्छ । जसले गर्दा अपच, कब्जियत, ग्यास जस्ता पेटको समस्या भोगिरहेका व्यक्तिलाई दही वा त्यसबाट बनेको लस्सी, मोही आदिको उपयोग गर्नु फाइदाजनक हुन्छ ।
– राति दही खाँदा पाचन क्रियामा गडबडी पैदा हुन्छ । यसलाई पचाउनका लागि थप इनर्जी बर्न गर्नुपर्ने हुँदा यसले झन् समस्या बढाउँछ । रातिमा सेवन गरिएको दहीले शरीरमा इन्फेक्सनको डर हुन्छ भने रुघा र खोकी पनि लाग्न सक्छ ।
– शरीरको कुनै भाग सुन्निएको छ भने राति दही कदापि खानु हुँदैन । त्यस्तै घुँडा वा जोर्नीको दुखाईबाट पिडित भएको अवस्थामा पनि दही सेवन उपयोगी हुँदैन । यस्तो अवस्थामा सेवन गरिएको दहीले झन् पीडा थप्ने गर्दछ ।
– दहीमा सकेसम्म कुनै पनि चिज नमिलसाई सेवन गर्नुपर्छ । खासगरी डिजर्टको रुपमा दहीमा थरीथरीका फलफूल मिसाउने चलन छ । त्यसो गर्दा दही विषाक्त बन्न सक्छ ।
