काठमाडौं । पछिल्लो समय विभिन्न किसिमका गैरकानुनी काम गर्ने सक्रिय गिरोका समुह फेला पर्न थालेको समयमा सोमबार बूढानीलकण्ठमा संयुक्त राष्ट्र संघको अन्तर्राष्ट्रिय खाद्य सुरक्षा कार्यक्रमको नक्कली कार्यालय खडा गरेर बसेको ठगीमा संलग्न एउटा गिरोह फेला परेको छ ।
जिल्ला प्रहरी परिसर, काठमाडौं र प्रहरी वृत्त, महाराजगञ्जले गरेको अनुसन्धानका अनुसार काठमाडौंको बूढानीलकण्ठ नगरपालिका–५ मा विष्णुबहादुर गुरुङको दुई तले पक्की भवन भाडामा लिएर कार्यालय खोलेको विभिन्न आवश्वासन देखाएर ठगि गदैं आएको पत्ता लागेको हो ।
डब्लूएफपीको नक्कली कार्यालय खोलेर ठगी गरेको पाइएपछि दुई जनालाई पक्राउ गरिएको काठमाडौं प्रहरी प्रमुख एसएसपी दानबहादुर कार्कीले जानकारी दिए ।
स्थायी ठेगाना सिन्धुपाल्चोक भई हाल गोकर्णेश्वर नगरपालिका बस्ने ४७ वर्षीय घनश्याम कटवाल र मकवानपुरको बागमती गाउँपालिका–९ घर भई बूढानीलकण्ठ–५ؘ बस्ने ४० वर्षीय दिनेश भनिने लीलाबहादुर घलान रहेका छन्
यस विषयमा संलग्न रहेका मकवानपुरको भीम भोलन, मिलन तामाङ, पेम्बा तामाङ लगायत फरार रहेको प्रहरी स्रोतले जनाएको छ । प्रहरीले उनीहरुको साथबाट राष्ट्रिय झण्डा, डब्लूएफपीको लेटर प्याड लगायतका सामग्री बरामद गरेको छ । प्रहरी स्रोतका अनुसार गैरकानुनी कार्यमा संलग्न गिरोहको समुहले २०८०र०२ र०१ गते बाट संचालन गर्दै आएका थिए ।
जयराम केसी नाम राखेर घनश्याम कटवालले आफैंलाई उपसचिव घोषणा गर्दै कार्यालयमा प्रमुखका रुपमा बसेको एसएसपी कार्कीले बताए । ठगीमा संलग्नहरुले कार्यलयमा डब्लुएफपीको नक्कली लोगो प्रयोग गरेको पाइएको छ ।
पेम्बा तामाङलाई शाखा अधिकृत, आकाश राईलाई जनसम्पर्क अधिकृत र दिपेश गुरुङलाई प्राविधिक इञ्जिनियरको रुपमा फेक नाम राखेका थिए । कार्कीले अनुसार दिपेशको सक्कली नाम भीम भोलन र आकाशको मिलन तामाङ सक्कली नाम रहेको छ । डब्लूएफपीको नाममा एक पत्रिकामा विभिन्न सामग्रीका लागि टेण्डर खुलाएका थिए । फर्निचर, कम्प्यूटर लगायतका सामग्रीका लागि बोलपत्र डब्लूएफपीको नाममा एक पत्रिकामा विभिन्न सामाग्रीका लागि टेन्डर खुलाएर ६ करोड ५० लाख रुपैयाँ बराबरको रकम नतिरेपछि पीडितहरुले प्रहरीलाई निवेदन दिएपछि प्रहरीले अनुसन्धान थालेको थियो ।
प्रहरी वृत्त, महाराजगञ्जको टोलीले अनुसन्धानका क्रममा कार्यालय नै नक्कली भएको प्रमाण फेला पारेको छ । डब्लूएफपीको नाममा एक पत्रिकामा विभिन्न सामग्रीका लागि टेण्डर खुलाएपछि विश्वास गरेर शंकर अर्यालले आफ्नो गाडी भाडामा दिएका थिए । गिरोले उनलाई ६ लाख १२ हजार ५ सय रुपैयाँ ठगी गरेको छ ।
घर धनी विश्वबहादुर गुरुङले प्रति महिना १ लाख ८० हजार रुपैयाँका दरले भाडा दिने भन्दै ठगी गरेपछि प्रहरीमा निवेदन दिएको स्रोतले जनाएको छ । बोलपत्र पत्रिकामा पढेर दरखास्त दिएर डेस्कटप कम्युटर, ल्यापटप लगायतका सामानहरु दिँदा हरिप्रसाद अर्याल पनि ठगिएका छन् । उनको ४८ लाख रुपैयाँ बराबरको बोलपत्र स्वीकृत भएको पत्र नक्कली कार्यालयको लेटर प्याडमा दिइएको थियो ।
नवराज पाण्डेबाट ८५ लाख रुपैयाँ बराबरको स्टेशनरी सामान, दिपेन्द्र धरेलको पसलबाट कार्पेट, पर्दा, कुर्सी, टेबल, दराज लगायतका सामानहरु गरेर १५ लाख ६० हजार ३ सय रुपैयाँ बराबरको सामान फिट गर्न लगाएको समेत प्रहरीसमक्ष पेश गरेको निवेदनमा उल्लेख गरिएको प्रहरी अनुसन्धान व्युरोले जनाएको छ ।
यस्तै गणेश शाहले युनिफर्मको कपडा र खाद्यान्न टेन्डरवापत राखेको ११ लाख २७ हजार रुपैयाँ ,विष्णु अर्यालले आफ्नो कार गिरोहले भाडामा लगेर ठगेको भन्दै प्रहरीलाई जाहेरी दिएका छन्
