दार्चुला । दार्चुलाको महाकालीमा रहेको नेपाल-भारत जोड्ने झोलुंगे पुल बन्द गरिएको छ ।
झोलुंगे पुलको लठ्ठा कमजोर भएको र पर्खाल पनि भत्किन लागेकाले सम्भावित दुर्घटनाको जोखिम मध्यनजर गर्दै झोलुंगे पुल बन्द गरिएको हो । दार्चुला जिल्ला प्रशासन कार्यालयले सूचना सार्वजनिक गर्दै नेपाल-भारत जोड्ने झोलुंगे पुलमा आवतजावत बन्द गरेको जनाएको हो ।
सहायक प्रमुख जिल्ला अधिकारी प्रदीपसिंह धामीका अनुसार स्थानीय नागरिक र सरकारका संयन्त्रमार्फत बुझ्दा पुलका लठ्ठा भाँचिने अवस्थामा रहेको र यस्तो अवस्थामा पुलमा आवतजावत गर्दा सम्भावित जोखिमलाई मध्यनजर गर्दै शुक्रबार बिहानबाट आवतजावत बन्द गरिएको हो ।
