काठमाडौँ । पाकिस्तानका पूर्वप्रधानमन्त्री इमरान खानविरुद्ध निर्वाचन आयोगले ठूलो कारबाही गरेको छ । निर्वाचन आयोगले इमरानलाई अयोग्य ठहर गर्दै उनीविरुद्ध कानुनी कारबाही सिफारिस गरेको छ ।
निर्वाचन आयोगले पूर्वप्रधानमन्त्रीले पाकिस्तानमा स्वतन्त्रता मार्च निकाल्ने घोषणा गरेका बेला आयोगले यो कारबाही गरेको हो । उनलाई आगमी पाँच बर्षसम्म चुनाव लड्न प्रतिबन्ध लगाइएको छ ।
निर्वाचन आयोगले इमरान खान प्रधानमन्त्री हुदा अर्ब देशको यात्राका क्रममा महंगा उपहार लिएको प्रकरणमा उजुरी परेको थियो । खानले विदेशबाट ल्याएको उपहार सरकारी ढुकुटीमा जम्मा गरेपनि पछि सस्तो दरमा आफैले किनेर बाहिर बेचेको आरोप लगाइएको थियो । यस पुरै प्रक्रियामा सरकारले अनुमति दिएको थियो । यी उपहारहरु खानले करिब २ करोडमा किनेर करिब ६ करोडमा बेचेको आरोप लगाइएको थियो । साथै उनीमाथि यी उपहार खरिद बिक्रिमा लाग्ने कर नतिरेको आरोप थियो ।
पाकिस्तानका मुख्य निर्वाचन आयुक्त सिकन्दर सुल्तान रजाको अध्यक्षतामा रहेको ४ सदस्यीय बेन्चले उनलाई यस प्रकरणमा दोषी ठहर गर्दै उनलाई संसद सदस्यबाट हटाउने निर्णय गरेको छ ।
इमरान खानले हालै स्वतन्त्रता मार्च निकाल्ने घोषणा गरेका थिए । सोमबार पत्रकार सम्मेलन गर्दै इमरान खानले आफ्नो तयारी पूरा भइसकेकाले यो मार्च अक्टोबरमा नै सुरु गरिने बताएका थिए । साथै उनले सरकारले नयाँ निर्वाचनको घोषणा नगरे सरकारलाई चेतावनी दिएका थिए ।
