काठमाडौँ— निमा रिन्जी शेर्पा पाकिस्तानको नङ्गा पर्वत (८,१२६ मिटर) को सफल आरोहण गर्ने विश्वकै कान्छो आरोही बनेका छन् । शेर्पा सङ्खुवासभा निवासी हुन् ।
उनले सोमबार पाकिस्तानको स्थानीय सयम अनुसार बिहान ७ः बजेर १५ मिनेटमा आरोहण साथी पासाङ नुरबू शेर्पाको साथ नङ्गा पर्वतको सफल आरोहण गरेका हुन् । नङ्गा पर्वत विश्वकै सवैभन्दा कठिन र प्राविधिक हिमाल मानिन्छ । सेभेन समिट ट्रेक्स् अनुसार निमाले १७ वर्ष ६८ दिनमा नङ्गा पर्वतको सफल आरोहण गरेका हुन् । योसँगै यो हिमाल आरोहण गर्ने उनी सबैभन्दा कम उमेरका आरोही बनेका छन् ।
यसअघि गत स्प्रीङ सिजनमा पनि निमाले सगरमाथा र ल्होत्से सबैभन्दा कम उमेरमा (१७ वर्ष ३५ दिनमा १७ वर्ष ३५ दिन) १० घण्टाभित्र दोहोरो आरोहण गरी विश्व कीर्तिमान बनाएका थिए । उनले बताए । उनले मनास्लुको रियल शिखर आरोहण गर्ने विश्वको सबैभन्दा कान्छो व्यक्ति बनेपछि विश्वलाई स्तब्ध बनाएको छ ।
निमा कीर्तिमानी आरोही टाशी लाक्पा शेर्पाका कान्छो छोरा हुन् ।
टासी नेपालको सबैभन्दा ठूलो आरोहण कम्पनीमध्येको एक सेभेन समिट ट्रेक्सका प्रबन्ध निर्देशक हुन् । उनी पर्वतारोहणको क्षेत्रमा नयाँ नाम होइन् ।
सन् २००४ मा साउथ कोलबाट सगरमाथाको पहिलो सफल आरोहण गरेपछि उनले पर्वतारोहीको रूपमा आफ्नो करियर सुरु गरे र अहिलेसम्म आठ पटक सगरमाथा आरोहण गरे।
सगरमाथा बाहेक उनले चो ओयु (८,२०१ मिटर), मकालु (८,४६३ मिटर), अमा दाबलाम (६,८१२ मिटर) र डेनाली (उत्तर अमेरिका), किलिमान्जारो (अफ्रिका) र एल्ब्रुस (युरोप) मा पनि सफलतापूर्वक आरोहण गरेका छन्।
टासीले हिमाल, पहाड पथप्रदर्शक, पर्वतारोहीको संरक्षणका लागि उपयुक्त वातावरण बनाउन पनि सरकारसँग आग्रह गरेका छन् ।
अब देशमा पर्यटन विश्वविद्यालय स्थापना गर्ने बेला आएको टासीले माग गरेका छन्।
‘नेपाल पर्यटनका लागि खुला विश्वविद्यालय हो, यसलाई संस्थागत गर्नुपर्छ,’ उनले भने, ‘विश्वविद्यालय स्थापना गर्यौं भने पर्यटन क्षेत्रमा रुचि राख्ने धेरै विद्यार्थी अध्ययनका लागि आउँछन् । उनीहरु विद्यार्थी मात्र होइन, यात्री पनि हुन् । अप्रत्यक्ष रूपमा, पर्यटन व्यवसायलाई हुन्छ ।’
त्यसो त उनको परिवार नै हिमाल आरोहण गरी नाम कमाउन सफल र चर्चित आरोही बन्न पुगेका छन् । यसअघि पनि तीन दाजुभाइहरू ( मिङ्मा, छाङ दावा र टासी लाक्पा शेर्पा )पहिलो तीन दाजुभाइ र दक्षिणी ध्रुव (९० डिग्री) पुग्ने पहिलो नेपाली टोली बनेका छन्।
मिङ्मा र छाङ दावा शेर्पाले संसारको सबै ८,००० मिटरको शिखरमा पुगेर गिनिज वल्र्ड रेकर्ड राखेका छन्।
त्यसैगरी, टासीले २० वर्षको उमेरमा नै पूरक अक्सिजन प्रयोग नगरी सगरमाथा चढेर गिनिज कीर्तिमान राखेका छन्।
यसैगरी, यी तीन दाजुभाईका कान्छा भाई पासाङ फुर्वा शेर्पा पनि सेभेन समिट ट्रेक्समा नै आबद्ध छन् । उनले पनि सगरमाथा, अमा डब्लम, एल्ब्रुस र किलिमन्जारो हिमालको सफल आरोहण गरिसकेका छन् । उनी हाल सात महादेशको सात अग्ला हिमाल आरोहण गर्ने लक्ष्यका साथ अगाडि बढेका छन् ।
