शनिवारको दिनलाई शनिदेको दिन भनिन्छ । हिन्दू धर्म दर्शनमा शनिदेवलाई न्यायका देवताको रुपमा व्याख्या गरिएको छ । ज्योतिष शास्त्रका अनुसार कुण्डलीमा शनिदोष हुनेहरुले शनिवार शनिदेवको पूजा गर्नु आवश्यक हुन्छ । शनिदेवलाई प्रसन्न पार्नका लागि यो दिन सरस्युको तेल, कालो तिल आदि चढाउने गरिन्छ । यसका साथै केही यस्ता चिज छन् जुन खाँदा नकारातमक प्रभाव पर्न सक्ने ज्योतिष शास्त्रमा उल्लेख गरिएको छ ।
शनि एक क्रुर ग्रह हो र तामसिक भोजनले ग्रहको प्रभावलाई भड्काउने काम गर्छ । त्यसैले यो दिन तामसि भोजन खान बर्जित मानिन्छ । मासु, माछा जस्ता मांसहारी भोजन गर्दा उनीहरुमा शनि ग्रहको नकारात्मक प्रभाव पर्छ । मदिराको सेवन पनि बर्जित छ ।
शनिबार अमिलो चिज खाँदा पेटमा समस्या देखिन सक्छ । त्यसैले शनिवार अचार या अमिलो चिज पनि खान वर्जित गरिएको छ । दूधको सेतो रंग शुक्रबारको प्रतिक हो । शनि एवं शुक्र ग्रह एक अर्काका विरोधी हुन् । शनिबार दूधको सेवनले काम इच्छा जागृत हुने हुँदा दूध पनि खान हुँदैन ।
शनिवारको दिन मुसुरोको दालको प्रयोगलाई पनि नराम्रो मानिएको छ । मुसुरोको दाल रातो रंगको हुन्छ र रातो रंग मंगल ग्रहको प्रतिक हो । शनिवार यसको सेवनबाट मंगल तथा शनिदेवको आपसमा टकराव पर्न जान्छ जसका कारण मानिसमा नकारात्मक उर्जा प्राप्त हुन्छ ।
