खप्तड बाबाका केही अमर वाणीहरु

१. कृष्णका चार रुप छन्— पर, अपर, समष्टि तथा व्यष्टि । पर रुप निर्गुण वा अमूर्त हो । सर्वशक्तिको आधारभूत अपर रुप हो । समष्टिभावले आविर्भूत हुने चाहिँ हिरण्यगर्भ रुप हो । व्यष्टिभावद्वारा प्रतित भइरहेको जीवरुप हो ।
२. ब्रह्माका तीन रुप छन्— परब्रह्म, अक्षरब्रह्म तथा क्षर ब्रह्मा । अन्तर्यामी रुपमा प्रविष्ट भएर तीनै लोकहरु धारण गर्ने परब्रह्मा हो । अक्षर तथा क्षर ब्रह्म सफल पदार्थहरुका उपभोक्ता हुन् ।
३. शारीरिक रोगहरुबाट सर्वथा छुटकारा पाउनु असम्भव हुन्छ ।
४. जीव परमेश्वरको प्रतिविम्ब हो र परमेश्वर एक छ । ब्रह्मा र जीवन पनि एकै हुन्, भ्रमले भेद प्रतित हुन्छ । नाना रुप धारण गरेर ब्रह्मा नै सर्वत्र विराजमान छ ।
५. जसरी नदीहरु बग्दै बग्दै आफ्ना नामरुपलाई छोडेर समुद्रमा अस्त हुन्छन् त्यसरी नै ब्रह्मज्ञानीहरु नामरुपलाई छाडेर परब्रह्मामा प्राप्त हुन्छन् ।
६. प्रणव रुप जुन अक्षर छ, त्यो ब्रह्मस्वरुप नै छ र यस्तो ब्रह्मस्वरुप ब्रह्म नै हुँ भन्ने ध्यान निरन्तर गरिरहोस् । प्रणव नै परब्रह्म हो ।
साभारः ‘महापुरुषहरुका अमर वाणी’ पुस्तकबाट