प्रहरीले पोखरा– ८ मिलनपथबाट लागु औषधसहित एक युवकलाई पक्राऊ गरेको छ । जिल्ला प्रहरी कार्यालय कास्की र लागु औषध नियन्त्रण ब्यूरो शाखा कार्यालय पोखराबाट खटिएको टोलीले गोर्खा जिल्ला चुमनुवी गाउँपालिका–८ स्थायी घरभई पोखरा–८ मिलनपथ बस्ने २५ वर्षीय मिलन गुरुङलाई डेराबाट लागु औषधसहित पक्राऊ गरेको हो ।
लागु औषधसहित पक्राऊ परेका गुरुङलाई कास्की प्रहरीले बरामद लागुऔषध सहित मंगलबार सार्वजनिक गरेको छ । जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता श्रवण कुमार विकका अनुसार गुरुङको साथबाट लागु औषध डाईजापाम ९० एम्पुल, फेनरागन ९० एम्पुल, नुर्फिन ९० एम्पुल र एक थान मोवाइल बरामद गरिएको छ ।
पक्राउ परेका गुरुङलाई जिल्ला अदालत कास्कीमा लागु औषध सम्बन्धी मुद्दामा सातदिन म्यादथप गरी अनुसन्धान अगाडि वढाइएको कास्की प्रहरीले जनाएको छ ।
