मान्छे सासै नफेरीकन बाँच्न सक्छ र ? सक्दैन भने पनि धन्धा मानिरहनु पर्दैन । मानिस सासै नफेरी बाँच्न सक्ने उपाय वैज्ञानिकहरुले पत्ता लगाएर पनि उपचारपद्धतिमा आइसकेको छ । वैज्ञानिकहरुले मानिसलाई सासै नफेरीकन उसको रगतमा अक्सिजन पठाउने प्रविधिको विकास गरेका हुन् ।
यो प्रविधिको विकासपछि अब जटिल शल्यक्रियाका दौरान मानिसको श्वासप्रश्वास प्रक्रिया चालू राख्नैपर्ने बाध्यता हटेको छ र वैकल्पिक प्रक्रियाद्वारा मानिसको रगतमा अक्सिजन पठाएर उसलाई जीवित राख्न सक्नेछन् । उसको फोक्सोबाट लिइने श्वासप्रश्वास चाहिँ पूर्ण रुपमा बन्द गरार केवल रगतमा अक्सिजन रोपेर केही समय जीवित राख्न सकिनेछ ।
यस विधिमा बोसोको अणुसँग समायोजन गरी रगतमा अक्सिजनका अणु पठाइन्छ । विज्ञहरुले यो खोजलाई चिकित्सा विज्ञानको महान उपलब्धी मानेका छन् । यसरी कृत्रिम विधिद्वारा रगत पठाइएको अक्सिजनले मानिस छोटो र सीमित समयको लागि मात्र बाँच्न सक्छ । त्यसपछि भने उसलाई श्वास लिनैपर्दछ । अमेरिकाको बोस्टन बाल अस्पतालका चिकित्सक जो केरले एक मानिसको त्रासदीपूर्ण मृत्युको घटनाबाट प्राप्त अनुभवबाट प्रेरित भएर यो विधिको पत्ता लगाएका थिए ।
साभारः ‘रोचक तथ्य’ पुस्तकबाट
