ननस्टिक अर्थात खानेकुरा नटाँसिने भाँडाकुँडामा पकाउने चलन व्यापक रुपमा बढेको छ । अर्काेतर्फ परम्परागत काँस, पित्तल, तामा, फलाम, माटो आदिका भाँडाको ठाउँ आल्मोनियम तथा सिल्भरका भाँडाले ओगटेका छन् । उचाल्न हलुका, हेर्दा सफा र प्रयोगमा सजिलोमा बानी परेकाहरुलाई थाहा छ कि छैन ?
आल्मोनियमको भाँडामा पकाइएको खानाले विस्तारै विस्तारै मस्तिष्कका स्नायुहरुलाई क्षतिग्रस्त बनाउँदै लैजान्छ । त्यस्तै, ननस्टिक (खाद्यवस्तु नटाँसिने) भाँडाकुँडाहरुमा पकाइएको खाद्यवस्तुमा परफ्लोरिनेटेड कम्पाउण्ड उत्पन्न हुन्छ, जसले महिलाहरुमा हाइपोथाइराइडिज्म तथा स्तन क्यान्सर हुने खतरा बढाउँछ । त्यति मात्र होइन, महिलाको दूध र रगतको माध्यमबाट त्यसको असर नवजात र गर्भस्थ शिशुमा समेत पुग्दछ । यस्तो डरलाग्दो तथ्य लन्डन क्वीन मेरी युनिभर्सिटीका वैज्ञानिकहरुको अध्ययनले केही वर्ष पूर्व सार्वजनिक गरेको थियो ।
अमेरिकी वैज्ञानिकहरुले पनि लामो अध्ययनपश्चात यस्तै निष्कर्ष हात पारे । ती वैज्ञानिकको भनाइमा आधुनिक प्रचलनका ननस्टिक तथा आल्मोनियम निर्मित भाँडाहरुमा पी एफ सी एस प्रयोग गरिएको हुन्छ । जसमा परफ्लुओरोओक्टोन सल्फानेट तथा परफ्लुओरोआक्टेनाइक एसिड पाइन्छ । यी रसायनहरु अक्सर ननस्टिक भाँडाकुँडाहरु, वाटर रेसिस्टेन्स फेब्रिक्स, स्टेप्रुफ कार्पेट, माइक्रोवेभ, पपकोर्न बक्स, माछामासु प्याक गरिने ग्रीन रोजिस्टेन्स प्याकेकिङ्ग आदिद्वाा बाहिरी वातावरणमा पु¥याइन्छन् ।
यिनै रसायनहरु अन्ततः मानवशरीरमा प्रवेश गर्छन् र स्वास्थ्यमाथि धावा बोल्छन् । न्युरो इन्डोक्राइनोलोजिष्टहरुको अध्ययनबमोजिम जीवनशक्तिलाई क्षीण बनाउने र थाइराइडसम्बन्धी रोगका मुख्य कारक यी नै रसायनहरु हुन् ।
साभारः ‘खाने कसरी पिउने कसरी’ पुस्तकबाट
