स्वामी रामतीर्थका केही अमर वाणीहरु
१) अरुलाई तिमी कमसेकम एक मुस्कान दिन सक्छौ श्रम र आनन्दले भरिएको मुस्कान । यसले उसको मनमा छाएको चिन्ताको भारी हटाउनेछ । मुस्कानले मात्र यो गर्न सक्दछ ।
२) शान्ति हामी भित्रै छ बाहिर प्राप्त हुँदैन । सेवा गर्ने अधिकार सबै इनाम र प्रसादमा उत्तम छ । न आत्तिइकन वस्तुको उज्यालो पक्ष हेर, काँढा बिनाको कुनै फूल छैन । संसारमा मिसावट विनाको गुण पाउन कठिन छ । शुद्ध गुण त केवल परमात्मामा नै छ ।
३) अहङ्कार र स्वार्थमा फसेका मानिसहरुले खोजेर पनि आनन्दकी देवीको दर्शन गर्न सक्दैनन् ।
४) सांसारिक वस्तुमा सुखको खोजी गर्नु व्यर्थ हो, सुख रुपी धन त तिम्रै अन्तरमा छ ।
५) दुःखमा पनि सुखको अनुभूति चाहन्छौ भने हँसिलो बनिराख ।
६) मुक्ति सधैँ ज्ञानबाटै मिल्दछ । आजका नवधनाढ्य स्वार्थका लागि दौडधुप गर्ने सभ्य दासहरुलाई कर्मकाण्डले पाप र कष्टबाट बचाउन सक्दैन ।
७) पुस्तक पढ्नु र सबै प्रकारका विद्या प्राप्त गर्नु एउटा पक्ष हो भने सत्यको प्राप्ति गर्नु अर्काे पक्ष हो । तिमीले धर्मग्रन्थहरुको अध्ययन सिध्याऊ, तापनि तिमी सत्यसँग अपरिचित नै रहन सक्छौ ।
८) ती विषयहरु पढ्नु जुन, हाम्रो जीवनमा कहिल्यै काम लाग्दैनन्, त्यो शिक्षा हैन ।
साभारः ‘महापुरुषहरुका अमर वाणी’ पुस्तकबाट
