काठमाडौं । काठमाडौं उपत्यकामा बुधबार मध्याह्न अचानक भारी वर्षा भएको छ । छोटो समयमै ठूलो पानी परेपछि उपत्यकाका विभिन्न स्थानका सडकमा पानी जमेको छ ।
भारी वर्षाका कारण सडकमा पानीको निकास सहज हुन नसक्दा केही स्थान जलमग्न भएका छन् । सडकमा पानी जमेसँगै पैदल यात्रु तथा सवारीसाधनमा आवतजावत गर्नेहरू समस्यामा परेका छन् ।
वर्षाका कारण सडकमा सवारीसाधनको चापसमेत बढेको छ । पानी जमेको स्थानमा सवारी आवागमन प्रभावित हुँदा यात्रुहरूले थप असहजता व्यहोर्नुपरेको छ ।
