काठमाडौं। मौसम पूर्वानुमान महाशाखाले आज देशका विभिन्न प्रदेशका हिमाली तथा पहाडी भू-भागमा वर्षा र हिमपातको सम्भावना रहेको जनाएको छ।
महाशाखाका अनुसार दिउँसो कोशी, बागमती, गण्डकी र लुम्बिनी प्रदेशका हिमाली तथा पहाडी क्षेत्रमा मौसम साधारणतया बदली रहनेछ। कर्णाली र सुदूरपश्चिम प्रदेशका हिमाली तथा पहाडी भू-भागमा भने आंशिक बदली रहने पूर्वानुमान गरिएको छ।
कोशी, बागमती, गण्डकी र लुम्बिनी प्रदेशका हिमाली तथा पहाडी भू-भागका थोरै स्थानमा तथा कर्णाली र सुदूरपश्चिम प्रदेशका हिमाली तथा पहाडी भू-भागका एक-दुई स्थानमा मध्यम स्तरसम्मको वर्षा तथा हिमपात हुन सक्नेछ। साथै, कोशी, बागमती, गण्डकी र लुम्बिनी प्रदेशका तराईका केही स्थानमा हल्का वर्षाको सम्भावना छ।
रातिको समयमा देशका पहाडी तथा तराई भू-भागमा साधारणतया बदली रहने र अन्य स्थानमा आंशिक बदली रहने महाशाखाले जनाएको छ। कोशी र बागमती प्रदेशका हिमाली क्षेत्रमा पनि साधारणतया बदली रहनेछ।
राति तराईका भू-भागमा बिहानपख हुस्सु लाग्ने सम्भावना छ। मधेश प्रदेशसहित कोशी, बागमती, गण्डकी र लुम्बिनी प्रदेशका तराईका थोरै स्थानमा मध्यम स्तरसम्मको वर्षा हुन सक्नेछ।
यसैगरी, कोशी, बागमती र गण्डकी प्रदेशका हिमाली तथा पहाडी भू-भागका एक-दुई स्थानमा हल्का वर्षा र हिमपातको सम्भावना छ। सुदूरपश्चिमको तराई र मधेश प्रदेशका केही स्थानमा पनि हल्का वर्षा हुन सक्ने पूर्वानुमान गरिएको छ।
