काठमाडौं । भारतीय प्रधानसेनापति जनरल धिरज सेठ आगामी अगस्ट १६ मा नेपाल भ्रमणमा आउने भएका छन्।
भ्रमणका क्रममा उनले प्रधानमन्त्री बालेन्द्र शाहसँग शिष्टाचार भेट गर्ने सम्भावना रहेको छ। यसका लागि प्रधानमन्त्री तथा मन्त्रिपरिषद् कार्यालयमा प्रस्ताव पठाइएको भए पनि भेट हुनेबारे अन्तिम निर्णय भइसकेको छैन।
नेपाल र भारतबीचको सैनिक परम्पराअनुसार दुवै देशका प्रधानसेनापतिलाई एकअर्काको सेनाको मानार्थ प्रधानसेनापतिको सम्मान प्रदान गर्ने चलन छ। यही परम्पराअनुसार नियुक्तिपछि दुवै देशका प्रधानसेनापतिले एकअर्काको मुलुक भ्रमण गर्ने अभ्यास पनि रहँदै आएको छ।
जनरल धिरज सेठले सन् २०२६ जुन ३० मा भारतीय सेनाको प्रधानसेनापतिको जिम्मेवारी सम्हालेका थिए। उहाँको नेपाल भ्रमणलाई दुई देशबीचको सैन्य सम्बन्ध र आपसी सहकार्यलाई थप सुदृढ बनाउने अवसरका रूपमा हेरिएको छ।
